Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Kanderera po Vakriste ava vana kuhepeka

Kanderera po Vakriste ava vana kuhepeka

Bibeli za pumba asi Satana nga tu hepeka nositambo sokuhagekesa sirugana setu sokuzuvhisa. (Joh 15:20; Ehor 12:17) Ngapi natu vatera Vakriste vakwetu ava vana kuligwanekera nomaudigu moyirongo yimwe? Pokuvakanderera po. Bibeli kutanta asi: “Ekanderero lyomutjima nagunye lyomuhungami, kwa kara nononkondo dononene.”—Jak 5:16.

Yisinke natu tumbura kuvahamena? Kuvhura tu hundire Jehova a va pe uradi yipo va dire kutjira. (Jes 41:10-13) Kuvhura tu kanderere po vemepangero va pulisire sirugana sokuzuvhisa yipo tu kare “mompora nomombili.”—1Tim 2:1, 2.

Apa Paurusa naPeturusa va va hepekere, Vakriste vakwawo kwa va kanderere po. (Yirug 12:5; Rom 15:30, 31) Nampili kapi twa diva madina gava vana kuhepeka, kuvhura tu tumbure mbungakriste nosirongo ndi mukunda gwawo.

Tjanga yirongo omu mwa kara vanavazinyetu ava vana kuhepeka ono hara ku kanderera po.