Zende koyikaramo

Zende koyikaramo

Nombangi daJehova

Horowora eraka Rukwangali

 KUPARUKA NGOMUKRISTE

Kuwapukurura udivi wetu wokuzuvhisa—Tura po mawapaiko mokukatengwira ko

Kuwapukurura udivi wetu wokuzuvhisa—Tura po mawapaiko mokukatengwira ko

EYI YA KARERA NOMULYO:

Tuna hara kutekera mbuto zousili ezi twa kuna. (1Kol 3:6) Nsene tuna gwana muntu ogu ana kulikida elituromo ya wapa kumusigira epuro eli ngatu ya zogera apa ngatu ka tengwira ko. Eyi ngayi mu vatera a tu ndindire ntani ngayi tu rerupira kuliwapaikira apa ngatu tengwira ko. Pokutengwira ko tatu mu tantere asi kuna wiza tu ya limburure epuro lina katu mu sigilire.

OMU NO YI RUGANA:

  • Nsene kuna kuliwapaikira kuzuvhisa tunda embo zende embo, liwapaikira epuro eli no ka pura yipo ngo ya li limburure sikando sokukwama ko. Epuro olyo kuvhura va li limburura mosimbapira esi ono kuhanesa. Ndi epuro eli va limburura mosimbapiratjangwa esi ono hara kuyagava sikando esi ngo ka tengwira ko.

  • Nsene kuna kumanesa nzogera nomuntu ogu ana kulikida elituromo, mu tantera asi ono hara ngo ka tengwire ko mokuyazogera hena nage ntani mu sigira epuro eli ngomu ya zogera. Gwana mauzera gendi yipo ngo vhure kumugwana nsene kuvhura.

  • Nsene ono mu tantere ezuva eli ngo ka tengwira ko, sikisa mo etumbwidiro lyoge.—Mat 5:37.