Zende koyikaramo

Zende koyikaramo

KUPARUKA NGOMUKRISTE

Ono liwapaikire maudigu goyikweparu ndi?

Ono liwapaikire maudigu goyikweparu ndi?

Ayo kapi ayi tu tetura apa atu mono yihorokwa mouzuni eyi yina kuretesa po udigu woyikweparu. Morwasinke? Morwa ose kuna kuparuka pomazuva gopouhura ntani Bibeli kuturondora asi kapisi tu huguvare “memona lyopokaruwogona.” (1Ti 6:17; 2Ti 3:1) Yisinke natu lirongera ko kosihonena sahompa Jehosafata kuhamena kuliwapaikira udigu woyikweparu?

Apa nomuhoko da rwanesere Jehosafata, age kwa huguvarere mwaJehova. (2Hs 20:9-12) Age hena kwa rugene ko yuma komeho zosiruwo pokuwapaika muhoko nokutunga yitata ntani nokuwapaika nokamba dovakwaita. (2Hs 17:1, 2, 12, 13) Ngwendi Jehosafata, ose kugwanena mo uwa apa atu huguvara mwaJehova ntani apa atu liwapaikire yiruwo yoyidigu.

TARERA VIDIYO WA LIWAPAIKIRA YIMPAGWA YOHARARASI NDI? MAKURA LIMBURURA MAPURO AGA:

  • Yisinke twa hepa kurugana mokuliwapaikira simpagwa?

  • Ngapi omu natu liwapaikira yipo tu vatere wopeke?