Zende koyikaramo

Zende koyikaramo

KUPARUKA NGOMUKRISTE

Ove kuna kuruganesa ekwateko lyokupurakena lyoBibeli ndi?

Ove kuna kuruganesa ekwateko lyokupurakena lyoBibeli ndi?

Yisinke ekwateko lyokupurakena lyoBibeli? Alyo kuna kara ekwateko lyoBibeli zEtoroko lyouzuni woupe ezi va kwateka morupe rokupurakena. Ekwateko eli kuna kulipwagesa kanunu-kanunu momaraka gokulisiga-siga. Ekwateko eli lyokupurakena lyoBibeli kwa ruganesa mazwi gokulisiga-siga kovantu ava va tumbura moBibeli. Nonkango kwadi resa nomalizuvho gokuwapera mokugava mbudi zomoBibeli monkedi zouhunga.

Ngapi vamwe vana kugwanena mo uwa moBibeli ezi zekwateko lyokupurakena? Wovanzi ava ava purakene Bibeli ezi kwa hafera omu azi va vatere. Awo kulizuvha asi pokupurakena komazwi gokulisiga-siga govantu womoBibeli, kuvavatera va mone momagano yihorokwa yomoBibeli ntani nokukwata egano eyi va tjanga. (Yis 4:5) Vamwe kulizuvha hena asi apa ava kara nosinka, kupurakena koBibeli kuvapwizumukisa​—Ps 94:19.

Kupurakena koNonkango daKarunga edi vana kuresa kuziguruka kutukundama unene. (2Hs 34:19-21) Nsene Bibeli ezi kuzigwana nazinye ndi ruha rwazo meraka eli o zuvhu, kuna kukukorangeda o litulire po siruwo mokuzipurakena.

TARERA VIDIYO OMU AVA WAPAIKE EKWATEKO LYOBIBELI—KARUHAGONA, MAKURA LIMBURURA EPURO ELI:

Yinke ono hafere kuhamena ewapaiko lyekwateko lyoBibeli?