Zende koyikaramo

Zende koyikaramo

KUPARUKA NGOMUKRISTE

Litara nyamoge moomu a ku tara Jehova

Litara nyamoge moomu a ku tara Jehova

‘HOMPA kuhafera vantu vendi.’ (Ps 149:4) Nampili ngomu twa dira kusikilira mo, age kumona yikara yetu yoyiwa ntani neyi natu vhura kurugana. Poyiruwo yimwe, kutudigopera kumona yikara yetu yoyiwa. Ose kuvhura tu lizuvhe asi kwato mulyo morwa monkedi ezi ava tu tekura vakwetu. Nsene tu demenena komapuko getu ganare ngayi tu digopera kuyipura asi Jehova ga tu hara. Yisinke nayi tu vatera nsene tu kara nomalizuvho ogo?

Diworoka asi Jehova kumona eyi ava dili kumona vantu. (1Sa 16:7) Age kumona yoyinzi mwetu kupitakana nyamwetu. Bibeli kutuvatera tu kwate egano omu Jehova a tu tara. Yihorokwa yomoBibeli kutuvatera tu dive omu Jehova ga hara vakareli vendi.

TARERA VIDIYO YIPURA ASI JEHOVA KUGUSIRA PO, MAKURA LIMBURURA MAPURO AGA:

  • Yisinke asi tu rongo sifanekeso somuduki naguhya kuhamena omu Jehova a tu tara?

  • Nsene muntu ogu ga tura nzo zonene a rugana nayinye eyi ya hepa po mokuwapukurura elikwatakano lyendi naJehova, ngapi omu na huguvaresa mutjima gwendi asi Jehova ga mu gusira po?—1Jo 3:19, 20

  • Ngapi omu munazinyetu gomugara ga gwanene mo uwa mokuresa ntani nokuteda kosihorokwa saNdafita ntani saJehosafata?