Zende koyikaramo

Zende koyikaramo

Nombangi daJehova

Horowora eraka Rukwangali

 UGAWO WOMONONKANGO DAKARUNGA | MARUKUSA 9-10

Emoneko eli ali nkondopeke epuro

Emoneko eli ali nkondopeke epuro

9:1-7

Gazara tupu omu ga lizuvhire Jesus apa ga zuvhire ezwi lyoGuhwe vemeguru kuna kutanta asi: “Ogu yige Munwange na hara.” Yosili, eyi ya nkondopekere Jesus komahepeko aga ga ya ligwanekerere nago komeho. Emoneko eli kwa pamekere Peturusa naJakopo naJohanesa va yi pure asi Jesus yige Mesiyasa ntani va hepa kumuzuvha. Konyima zonomvhura 32, Peturusa kwa diworokere eyi ya horokere ntani nomu ya nkondopekere epuro lyendi ‘mombudi ezi va udisa vaporofete.’—2Pet 1:16-19.

Nampili ngomu twa dira kumona emoneko olyo lyokutetura, ose kuna kumona esikiliromo lyalyo. Jesus kuna kupangera ngaHompa gononkondo. Ntaantani nga ka ‘funde,’ nokukareta uzuni woupe wouwa.—Ehor 6:2.

Ngapi omu ayi nkondopeke epuro lyoge pokumona mauporofete gomoBibeli kuna kusika mo?