၁ | တၢ်ဃ့ထုကဖၣ်—“ပာ်ထီၣ် သုတၢ်ဘၣ်ယိၣ်ဘၣ်ဘှီခဲလၢာ်လၢ အအိၣ်”
လံာ်စီဆှံတဲဝဲလၢ– “မ့ၢ်လၢ ကစၢ်ယွၤ သးအိၣ်သုအဃိ ပာ်ထီၣ် သုတၢ်ဘၣ်ယိၣ်ဘၣ်ဘှီခဲလၢာ်လၢ အအိၣ်.”—၁ ပ့းတရူး ၅:၇.
အဲၣ်ဒိးတဲဝဲ အခီပညီဒ်လဲၣ်
ပမ့ၢ်အိၣ်ဒီးတၢ်ဘၣ်ယိၣ်ဘၣ်ဘှီ အဒိၣ်မ့ၢ်ဂ့ၤ အဆံးမ့ၢ်ဂ့ၤ ယဟိဝၤယွၤ ဘၣ်သးလၢပတဲပၠးအီၤခဲလၢာ်. (စံးထီၣ်ပတြၢၤ ၅၅:၂၂) တၢ်ဂ့ၢ်လၢအမၤကိၢ်မၤဂီၤပသးန့ၣ် အမၤကိၢ်မၤဂီၤစ့ၢ်ကီး ယဟိဝၤယွၤအသး. အဃိဒ်သိး ပသးကမုာ်ထီၣ်အဂီၢ် ပကဘၣ်ဃ့ထုကဖၣ်လၢ ယဟိဝၤယွၤအအိၣ်.—ဖံလံးပံၤ ၄:၆, ၇.
တၢ်ဃ့ထုကဖၣ် မၤစၢၤပှၤဒ်လဲၣ်
ဖဲပတူၢ်ဘၣ်ဒီး တၢ်သးလီၤစၢ်တၢ်ဆါအခါ တဘျီတခီၣ် မ့ၢ်လၢ ပှၤဂၤတနၢ်ပၢၢ်ပှၤဂ့ၤဂ့ၤဘၣ်အဃိ ပကတူၢ်ဘၣ်လၢ ပအိၣ်သယုၢ်သညိထဲတဂၤ. (ကတိၤဒိ ၁၄:၁၀) ဘၣ်ဆၣ် ပမ့ၢ်တဲဖျါထီၣ် ပတၢ်တူၢ်ဘၣ်လၢ ယဟိဝၤယွၤ အအိၣ်န့ၣ် အကသးကညီၤပှၤ ဒီးကနၢ်ပၢၢ်စၢၤ ပတၢ်တူၢ်ဘၣ်. မ့ၢ်လၢယဟိဝၤယွၤ ထံၣ်ဝဲဒီးနၢ်ပၢၢ်စၢၤပတၢ်တူၢ်ဘၣ်အဃိ အအဲၣ်ဒိးလၢ ပကဃ့ထုကဖၣ်လၢအအိၣ် ဒီးတဲဘၣ်အီၤ တၢ်လၢအမၤသူၣ်ကိၢ်သးဂီၤပှၤ.—၂ ကွဲးနီၣ်တၢ် ၆:၂၉, ၃၀.
ပမ့ၢ်ဃ့ထုကဖၣ်လၢ ယဟိဝၤယွၤ အအိၣ်န့ၣ် အကမၤစၢၤပှၤလၢ ပကသ့ၣ်ညါဘၣ်လၢ ယဟိဝၤယွၤ သးအိၣ်ပှၤနီၢ်ကီၢ်. ပှၤကွဲးထါစံးထီၣ်ပတြၢၤတဂၤ ဃ့ထုကဖၣ်လၢ “နထံၣ်လီၤ ယတၢ်နးတၢ်ဖှီၣ်လံ . . . ဒီးနသ့ၣ်ညါ ယတၢ်ကိၢ်တၢ်ဂီၤလၢ အဒိၣ်အမုၢ်တဖၣ်.” ပဝဲစ့ၢ်ကီး ပကတူၢ်ဘၣ်ဒ် ပှၤကွဲးထါစံးထီၣ်ပတြၢၤတဂၤအံၤတူၢ်ဘၣ်ဝဲအသိး. (စံးထီၣ်ပတြၢၤ ၃၁:၇) ဖဲပထံၣ်ဘၣ် တၢ်ကီတၢ်ခဲတဖၣ်အခါ ပသ့ၣ်ညါဘၣ်လၢ ယဟိဝၤယွၤနၢ်ပၢၢ်ဝဲအဃိ မၤစၢၤပှၤလၢ ပ လဲၤခီဖျိ ပတၢ်ကီတၢ်ခဲကန့ၢ်. ယဟိဝၤယွၤမ့ၢ်ပှၤလၢ အနၢ်ပၢၢ် ပတၢ်ကီတၢ်ခဲ ဒိၣ်န့ၢ်ဒံးပှၤအဂၤခဲလၢာ် အဃိ အဝဲသူလံာ်စီဆှံ ဒ်သိးကမၤမုာ်ထီၣ်ပသး ဒီးကဟ့ၣ်ဂံၢ်ဟ့ၣ်ဘါပှၤ.
တၢ်ဂ့ၢ်အဂၤလၢ နကဘၣ်သး
တၢးထီခိးတၢ်
ဒ်သိး ကစၢ်ယွၤ ကဒိကနၣ် ပတၢ်ထုကဖၣ်အဂီၢ် ပကဘၣ် ဃ့ထုကဖၣ်ဒ်လဲၣ်
ပမ့ၢ်အိၣ်လၢ တၢ်လီၢ်ဖဲလဲၣ်ဂ့ၤ ဖဲလဲၣ်ဂ့ၤ သနာ်က့ ပဃ့ထုကဖၣ်လၢအအိၣ် သ့ကိးဆၢကတီၢ်ဒဲး. ပဃ့လၢ ပကလုၢ်ဒိၣ်သ့ ဒီးပဃ့လၢ ပသးပူၤသ့. ယ့ၣ်ၡူး သိၣ်လိစ့ၢ်ကီးပှၤလၢ ပကဘၣ် ဃ့ထုကဖၣ်ဒ်လဲၣ်.
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
မ့ၢ်ကစၢ်ယွၤဒိကနၣ် ပှၤကိးဂၤဒဲး အတၢ်ထုကဖၣ်ဧါ
ပှၤတဂၤမ့ၢ်ဃ့တၢ်ထဲလၢအနီၢ်ကစၢ်အဘျုးအဂီၢ်န့ၣ် မ့ၢ်ကစၢ်ယွၤကဒိကနၣ်ဝဲဧါ. ပှၤတဂၤမ့ၢ်ရ့ဒီးအမါ အၢအၢသီသီ ဒီးလၢခံ အဝဲမ့ၢ်ဃ့တၢ်ဆိၣ်ဂ့ၤမီၤ
သးစၢ်တဖၣ်အတၢ်သံကွၢ်
ဘၣ်မနုၤအဃိ ယကြၢးဃ့ထုကဖၣ်လဲၣ်
တၢ်ဃ့ဘါထုကဖၣ်န့ၣ် မ့ၢ်ဒၣ်တၢ်လၢအမၤမုာ်ပသး မ့တမ့ၢ် ကဲဘျုးလၢ ကျဲအဂၤအိၣ်ဒံးဧါ.
တၢးထီခိးတၢ်
ကစၢ်ယွၤ ဒိကနၣ် ပတၢ်ထုကဖၣ်ဧါ
လံာ်စီဆှံ အၢၣ်လီၤပှၤလၢ ပမ့ၢ်ဃ့ထုကဖၣ် လၢကျဲလၢအဘၣ် ကစၢ်ယွၤအသးန့ၣ် အကဒိကနၣ်ပှၤ.
ဘၣ်ဃးဒီးပှၤ
ဃ့တၢ်မၤစၢၤလၢ ယဟိဝၤပှၤအုၣ်အသးတဂၤ ကဟဲအိၣ်သကိး
တဲသကိး လံာ်စီဆှံအဂ့ၢ် ဒီးယဟိဝၤပှၤအုၣ်အသးတက့ၢ်. မ့တမ့ၢ် လၢ jw.org အပူၤ မၤပှဲၤတၢ်ဂ့ၢ်တၢ်ကျိၤလၢ ကမၤလိလံာ်စီဆှံလၢ တလိၣ်ဟ့ၣ်အဘူးအလဲ အဂီၢ်သ့န့ၣ် နမၤကွၢ်သ့လီၤ.
