ခီ​ဆူ​ ​တၢ်​ဂ့ၢ်​မိၢ်​ပှၢ်

ခီဆူ secondary menu

ယ​ဟိ​ဝၤ​ပှၤ​အုၣ်​အ​သး​တ​ဖၣ်

ကညီ(စှီၤ)ကျိာ်

ယဟိဝၤပှၤအုၣ်အသးတဖၣ် ဟီထီၣ်ကရၢဖိ လၢအတၢ်ဘူၣ်တၢ်ဘါအပူၤအိၣ်ဧါ

ယဟိဝၤပှၤအုၣ်အသးတဖၣ် ဟီထီၣ်ကရၢဖိ လၢအတၢ်ဘူၣ်တၢ်ဘါအပူၤအိၣ်ဧါ

ပှၤလၢဒိးဘျၢထံဒ်ယဟိဝၤပှၤအုၣ်အသးတဖၣ်ဘၣ်ဆၣ် တစံၣ်တဲၤတဲလီၤတၢ် ယံာ်တ့ၢ်မး, ဘၣ်သ့ၣ်သ့ၣ် တရ့လၢၤဒီးပှၤစူၢ်တၢ်နာ်တၢ်ကဒဲကဒဲတဖၣ်န့ၣ် ပှၤတဟီထီၣ်အီၤဘၣ်. နီၢ်နီၢ်, ပလဲၤလၢအဝဲသ့ၣ်အအိၣ်ဒီး ပဂုာ်ကျဲးစၢး မၤဂ့ၤထီၣ်က့ၤ အဝဲသ့ၣ်အတၢ်သးစဲလၢ တၢ်ဘူၣ်ထီၣ်ဘါထီၣ်လီၤ. ပှၤတဂၤမ့ၢ်မၤတၢ်ကမၣ်အဒိၣ်အယိာ်န့ၣ် ပတဟီထီၣ်ကွံာ်အီၤတဘျီဃီဘၣ်. ဘၣ်ဆၣ်, ပှၤအုၣ်အသးလၢ ဘျၢထံဝံၤတဂၤ မ့ၢ်ညီနုၢ်လုၣ်သ့ၣ်ခါပတာ် လံာ်စီဆှံတၢ်သိၣ်တၢ်သီဒီး မ့ၢ်တအိၣ်ဒီးတၢ်ပီၢ်ယၢ်လီၤက့ၤသးန့ၣ် အဝဲကဘၣ်တၢ်ဟီထီၣ်ကွံာ်အီၤလီၤ. လံာ်စီဆှံပာ်ဖျါထီၣ်ဝဲတြၢၢ်ကလာ်လၢ “ဟီထီၣ်ကွံာ်ပှၤအၢပှၤသီတဂၤန့ၣ်, လၢသုကျါတက့ၢ်.၁ ကရံၣ်သူး ၅:၁၃.

ပိာ်ခွါတဂၤမ့ၢ်ဘၣ်တၢ်ဟီထီၣ်ကွံာ်ဘၣ်ဆၣ် အမါဒီးအဖိတဖၣ် မ့မ့ၢ်ယဟိဝၤပှၤအုၣ်အသးတဖၣ်တခီလဲၣ်. ပာ်ဃုာ်လၢအဟံၣ်ဖိဃီဖိတၢ်ဘူၣ်တၢ်ဘါအပူၤတန့ၢ်သနာ်က့ ဘူးသွံၣ်ဘူးထံဒံးအဖၢလီၤ. လၢတၢ်န့ၣ်အဃိ ညီနုၢ်တၢ်ရ့လိာ်ကတိၤတၢ်လၢ ဟံၣ်ဃီပူၤန့ၣ် ကအိၣ်ဒံးလီၤ.

ပှၤဘၣ်တၢ်ဟီထီၣ်ကွံာ်တဂၤစုာ်စုာ်န့ၣ် ဟဲထီၣ်ပတၢ်အိၣ်ဖှိၣ်သ့လီၤ. အဝဲသ့ၣ်အသးမ့ၢ်အိၣ်န့ၣ်, တူၢ်လိာ်ဝဲ လံာ်စီဆှံအတၢ်ဟ့ၣ်ကူၣ်လၢ ပှၤပၢဘၣ်ကွၢ်ထွဲ တၢ်အိၣ်ဖှိၣ်တဖၣ် အအိၣ်သ့လီၤ. တၢ်တိာ်န့ၣ် မ့ၢ်ဒၣ်ကမၤစၢၤပှၤတဂၤစုာ်စုာ်လၢ ကတုၤထီၣ်ထီၣ်ဘးက့ၤလၢ ယဟိဝၤပှၤအုၣ်အသးတဂၤလီၤ. ပှၤဘၣ်တၢ်ဟီထီၣ်ကွံာ်တဂၤ မ့ၢ်ဟးဆှဲးဝဲ လုၢ်လၢ်တကြၢးတဘၣ် ဒီးပာ်ဖျါဝဲတၢ်သးအဲၣ်ဒိးနီၢ်နီၢ်လၢ ကအိၣ်မူဒ်လံာ်စီဆှံအတၢ်သိၣ်တၢ်သီအသိးန့ၣ် တၢ်တူၢ်လိာ်မုာ်အီၤထီဘိလၢ ကကဲထီၣ်က့ၤကဒီး တၢ်အိၣ်ဖှိၣ်ဖိလီၤ.