Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 SUƐI LEBOLLE O KƆƆ | BAA MAALIKƐIYA CHO PA KPEEKPEI? LE YƐƐ HEI CHO YƐ ISƆVƐ?

Baa A Nɔ Pa Maalikɛinɔ Cho le Num Mandaa Wo?

Baa A Nɔ Pa Maalikɛinɔ Cho le Num Mandaa Wo?

Pesiŋ bɛɛ Baabuiyo pɛɛku maa wana o wana nɔ maalikɛinɔ o cho le ndu mandaa wo le. I cho tonya maa mi Chiisu dimi teleŋ pilɛ aa: “Chuaambuaa pɔmbuaa haa kinɛi, opilɛ bɛɛ la chua ndu maa o cho wana fondo le. Kanifuule, mi dimul nya, maalikɛiyaa ndaa o choo choo niŋ cho Finya ni cho o choo choo niŋndo o hɔl teleŋ o teleŋ.” (Maatiu 18:​10) O cho dimi le Chiisu wa maa wana o wana nɔ maalikɛinɔɔ o manda ndu wo le. Kɛ dimioo o wa ni maa, maalikɛiya nɔ yeemɛi o buɛiyaa nduaa o kɛ kɛ fee niŋ. Kɛ o wa bɛɛ lende, Kilisiɔŋaa tonyaa luei yoomula ndalaŋ o kpundɔɔ niŋ, okoŋ ma yiyaŋ maa maalikɛiyaa Mɛlɛkaa cho nda manda le.

Baa koŋ chɔm ni maa maalikɛiya mala waŋchieeya le? Sako bɛɛ. (Sam 91:​11) Waŋnda apum nɔ laalaŋ kala kalaa maa Mɛlɛka ke nda niŋ maalikɛinɔɔ le nda mandaa. Kɛnɛt naŋ soo suŋ a ndu okɔɔ o buŋgɛi tasei niŋndo bɛɛ ndoo nɔ yiyaŋ waa naa. Ŋ sina mɛɛ kpɛ hei yɔŋnɔŋ yɛ le, kɛ naapum tonya o dimi ni. Teleŋnda bɔɔbɔɔ, mi Seiyaa Chɛhowaa che nɛi chɔmaa maalikɛiya o wali nda dimiaa yooŋgu kɛndɔɔ niŋ. Kɛ le mɛɛ naŋ chi maalikɛiya le yɛ, ŋ sina mɛɛ kpɛ Mɛlɛka soliŋ nda kpeku le waŋchieeya malaa o sɔɔŋ bɔɔbɔɔ niŋ yɛ le. Kɛ o wa bɛɛ lende, o cho biondɔŋ te naŋ tosa le Mɛlɛka Kpou Kpou Wo balikaa mello le mala kɛ kɛ naŋ sɔla ndu o ba wo le.—Koloosiaŋnda 3:​15; Chemisi 1:​17, 18.