Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 SUƐI LEBOLLE O KƆƆ | MƐƐ Ŋ NƆ MA BII BUULAŊNDO YƐ

Buulaŋndo cho ba o ba fee!

Buulaŋndo cho ba o ba fee!

“I kuɛ le nyɛdiaa piondɔɔ, kɛ kato vesɛiyo kinɛi ya che ni. Nduyɛ, baa nda kilul la le katoo hoo wo ndoo chua baa ndaa pisi ndu paandu wo bɛmbɔɔ 10,000! Diimandɔɔ, nyɛdiaa ve lɛ kposoŋ o lɔɔ niŋ te.”—Pɔɔl, Simbaabui.

“Mi pɔnɔ nuu kɛsi ya, mbo dimulla maa o cho ya kɛɛ a chuauwaa niaa. Vɛɛ ya looku yɛ mi biunuŋ hei? Yɛɛ cho yɛ yɔŋnɔŋ a chuauwaa niaa?”—Chanɛt, Amɛlika.

“Mɛɛ bambaŋ mei diom, mi nyaanuŋ le vioŋnɔŋndo. Okoŋ, mi hini lɛŋ mɛɛ nda wa tukpalaŋ wuuwo. Le teleŋ vilɛi, balaŋ la wa ya nyiiyaa kpa kpa.”—Alona, Isɔluɛi.

O teleŋ kɔl landɛiyo niŋ naŋ cho ni. Nduyɛ, “nyɛ palaa” cho o hɔbɛi. (Timoti Diiŋ Ndɔɔ 3:1) Wanaa bɔɔbɔɔ nɔ pɛŋnde ikanileŋ, yuŋgulaŋ la cho piɔllo, chɔulaŋ la cho, naala taŋ waŋnda laŋ la buli bu, a kpundɛla yɔŋnuŋ ndaŋ. Le handɔɔ lechoo, wana o wana nɔ buulaŋnda yɛ yɛlaŋ. ‘Baa kpukpui ya saaluŋ hei ya o ŋdialle cho simnɔŋ pau siŋgu le wo?’ ‘Vɛɛ chieeŋndo wa yɛ niŋ a teleŋ chuauwaa niaa mamaa?’

O cho buulaŋndaŋ kpou le la wɔu le. Miŋ buulaŋ lepum tuupa miŋ kuɛ o tofaa bɛŋgu, tuupa miŋ kandu wallo, nduyɛ, te a wa naa pɛ nyuniaa le naa chuaa le wallo. Nduyɛ, te ŋ buulaŋ pɛ le yoomu naa, koŋ mala naa miŋ kpakpala nyɛ luei yoomu naa, o kpundɔɔ niŋndo. Kɛ te buulaŋndo o hiou naa pɛ o kɔl kɔɔli, i chiee wa a naa le. Wanaa sinaa dɛniaa pum tosa suŋ suŋ pɛɛkoo a kaasoŋnda 68,000 okɔɔ. Pɛɛku nda tosa hoo wo chɔm maa buulaŋ hiauwaŋ mɛŋndo tosa ma vi teleŋ numndo lachi. Le saboo hoo Chiisu nyuna ni aa, “a yɔŋ bɛɛ mi la buulaŋ le muŋ kpou, la nɔla pa mi la chɔɔlu yoomula nyalaŋ bɛndi le paaleŋ lepilɛ bɛɛ kpe?” A tonya, buulaŋndo bɛndi yoomu wana chioo le. Mi Chiisu sila naa maa naŋ buulaŋ le nyɛ o nyɛ le. (Maatiu 6:25, 27) Kɛ ŋ wa pa lende buulaŋ ve le?

Le nyunaa hoo mulioo, mɛɛ miŋ wou taasi naa o wali niŋ, miŋ nɔ chaŋyɛi kpeekpeiye a Mɛlɛka, nduyɛ, miŋ taŋgul chila kpeekpei laŋ. O yɔŋ bɛɛ mi bahawɛi kala kala komallɔ naa suŋ suŋ te, kɛsiŋ o kɔl maa o yɔŋ bɛɛ o chilaŋ niŋ, o cho naa komal. Lelaŋ, ŋ yiyaŋ yiŋgoloŋ o nyɛ Pɔɔl, Chanɛt a Alona tosa le buulaŋndaŋ dɔɔniaa wo.