1. Te ŋ dɛɛniaŋ pɛ vellaa velle

Le miŋ piɛi Chɛhowa lɔɔlɔɔ,

Ŋ cho hiouwɔɔ lachi a kaalaa.

Miŋ nɔ diompilɔɔ a nyaaloo.

Kaalaa cho wanaa Mɛlɛkaa tɛɛŋ,

Mbo mala nda le ma biunuŋ.

O kunda naa niŋ naŋ viaŋnuŋ ni.

Loŋ naŋ sɔla kɔl nyuloo ni.

2. Te ŋ chaa pɛ suɛi a teleŋndo,

Mi suɛi keŋ yeela le tueiyɔɔ!

Mi chaaŋaa naa dɛɛniaa naa kɔltaŋ,

A sɔɔŋ kɛndɛŋ nda dimi woŋ.

Nyɔɔ naŋ bɔɔ le wallo diompilɛ,

A chaaŋaa naa laalaŋ nda haa!

Ŋ kindiŋ le miŋ wa dɛɛniaŋndo,

Le miŋ biuŋ kalaŋ nda naalaŋ.

3. Paale bɛndu le Chɛhowaleŋ,

Le cho niŋ kpɛɛluŋ le fuuloo.

Ŋ nɔ miŋ wa chuuŋgiaŋndo lɔɔlɔɔ,

Le miŋ hiou lachi a biuŋ ndo.

Diompilɛ a wanaa Chɛhowaa,

Ŋ cho lo lechoo le fafɛɛŋ.

Lelaŋ ŋ nɔ miŋ wa dɛɛniaŋndo,

Le miŋ lo o laalaŋ naa choo.