Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 Ŋ WAŊNUŊ MAA ŊKILISIƆŊ

Fuuluu Wo Waŋnda Kɔltaŋ a “Lo o Kaala Mɛlɛka Wo Bɛŋgu”

Fuuluu Wo Waŋnda Kɔltaŋ a “Lo o Kaala Mɛlɛka Wo Bɛŋgu”

LE YƐƐ HEI BƐNDA YƐ? Waŋnda nɔ ma pɛɛku sawala Chɛhowalaŋ nduyɛ ma diikuŋ ndaŋ le ma piɛi ndu o nɛi sakpoo choo. (Ai 2:3, 4) Yau “Kaala Mɛlɛka Wo”, cho yau diiŋndɔ naŋ pɛɛku waŋnda Baabuiyo wo ni le ma sina mɛɛ nda soliŋ sawala mandaala Mɛlɛkalaŋ kpeku o yoomu ndaa niŋ yɛ. (Hibu 5:14) Ŋ kindiŋ miŋ fuuluu waŋnda kɔltaŋ te nyɛ naŋ pɛɛku nda wo nyindu nda pɛ le siŋgaŋndaŋ tosaa.Luom 6:17.

VƐƐ Ŋ TOSA YƐ HEI?

  • Bɛɛndiaŋ nyɛkɛndɛi nduyɛ ma sina bahawɛila wana ŋ cho pɛɛkoo wo. Bɛɛndiaa nyunala waŋndo yiyaŋ choo laŋ le sinaa yiyaŋnda ndɔlaŋ a nyɛ o cho pɛɛkoo wo okɔɔ.Pulɔ 20:5; be 259

  • Soliŋ kɔfulaŋ kpou o yauwo hoo niŋ kpeku le malaa wana ŋ cho pɛɛkoo wo mbo che sɔvɛyɛi le sawala mandaala Baabuiyo tolɔɔ kɔɔli

  • Mala wana ŋ cho pɛɛkoo wo mbo yiyaŋ o sɔɔŋ kɔl iyamaa choo, kɛ tosa kɛɛsiaa le ndu le.Kal 6:5

  • Tosa o nɛi taasi niŋ le ma sina te wana ŋ cho Baabuiyo pɛɛkoo wo yeema pɛ malaa le sawala mandaala Baabuiyo dɔuwɔɔ o wali niŋ. Dɛɛniaa ndu o nɛi kaalaa niŋ le mbo tosa siŋgaŋndaŋ le kaala ndɔɔ chɔmndo le Chɛhowa.Pulɔ 27:11; Chɔŋ 14:31