Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 Ŋ WAŊNUŊ MAA ŊKILISIƆŊ

“A Che Ya. Viom Ya”

“A Che Ya. Viom Ya”

Kaa yɔŋgaŋ wulee Aisaya wo cho bɔɔ tamasi kɛndɛ le miŋ tol ndu kɔɔli. Mi che bɛɛ ndoo sina viomɔɔ nda wa ndu wo le, kɛ mbo chɔm laalaŋndo nduyɛ mbo chɛl le nyɛ nda dimul ndu wo tosaa chɔchɔ. (Ai 6:8) O bɛnda ma yɛlɛmiaa bahawɛila numndaŋ le halikpeŋ ma kuɛ naa yeemɛi cho tau le yooŋgu kɛndɔɔ dimioo wa le? (Sam 110:3, NW) O dimi niŋ, o bɛnda ma “tuu mɛɛ kpɛ nyɛsɔlaa” yeemaŋ le kɔlaŋ o fondaŋ waa naa yɛ. (Luk 14:27, 28) Kɛ a koŋ kpou, yɔŋguŋ wulee ma soliŋ sala le wali dimiaa yooŋgu kɛndɔɔ. (Mat 8:20; Mak 10:28-30) A mɛɛ naŋ che o vidueiyo niŋ yɛ, Kɔlaŋ Yooŋgu Kɛndɔɔ Dimioo Naa Yeemɛi Cho Tau Wa, a tuu tɔnɔla naŋ sɔla a sala soliaŋ kɛ kɛ naŋ tosa wo le.

TE LA CHII PƐ VIDUEIYO TOFA, LA MULI NYUNALAŊ NDAŊ:

  • Salala soliaŋ kuɛɛ yuŋgu William ndo tosa yɛ le halikpeŋ ma kɔ dimi yooŋgu kɛndɔɔ o lɛŋnde Ikueedɔleŋ niŋ?

  • Sɔɔŋ kuɛɛ nda yaasiaa yɛ tuupa ma chua fonda ndaa yeema kɔlaŋndo?

  • Tɔnɔla kuɛɛ nda sɔla yɛ?

  • Kuɛɛnɛ ŋ chɔɔlu yɛ yooŋgulaŋ saaluŋ le kɔlaŋ yooŋgu kɛndɔɔ dimioo naa yeemɛi cho tau wa?

A TELEŊ PƐƐKU NYA LEYUŊGOO LƆƆ CHELEŊ, LA SUUKAŊ O NYUNALAŊ NDAŊ CHOO:

  • Maa yuŋgu, vɛɛ naŋ tosa yɛ tau o wali pollo niŋ? (km 8/11-E 4-6)

  • Te ŋ tiuba le kɔlaŋ yooŋgu kɛndɔɔ dimioo naa yeemɛi cho tau wa le, o nɛila kuɛɛ niŋ naŋ mala yɛ kunda naa? (w16.03-E 23-25)