Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 Ŋ WAŊNUŊ MAA ŊKILISIƆŊ

Soliŋ Kɔfu Nyɛm Waliŋ Naŋ Pɛɛku Waŋnda Woŋ Kpeku Nyɛkɛndɛi

Soliŋ Kɔfu Nyɛm Waliŋ Naŋ Pɛɛku Waŋnda Woŋ Kpeku Nyɛkɛndɛi

Waŋnda siiŋgoo buɛiya cho ko maa chiɛiyo taŋgullo. Le taŋgullo nyɛkɛndɛi, mɛɛ miŋ pɛɛku le nyɛm walloŋ soliŋndo kpeku nyɛkɛndɛi. Ŋ nɔ miŋ tosa hiouwɔɔ lachioo mɛɛ naŋ soliŋ wolɔɔ wali naa bɛndoo kpeku yɛ, Diom Mɛlɛkaa. (2Timo 2:​15) Ŋ nɔ vɛlɛ miŋ sina mɛɛ naŋ soliŋ yaulaŋ a nyɔɔŋ vɛlɛ a vidueilaŋ kpeku nyɛkɛndɛi o Kɔfu Nyɛm Waliŋ Naŋ Pɛɛku Waŋnda Woŋ niŋ yɛ nduyɛ a kpeleŋndo o kɔl le waŋnda siiŋgoo buɛiya. *

Vɛɛ ŋ tosa yɛ hiouwɔɔ lachioo le Kɔfu Nyɛm Waliŋ Naŋ Pɛɛku Waŋnda Woŋ soliŋndo kpeku? (1) Nyuna wana cho chilaŋ chuaa o kunda num dimiaa yooŋgu kɛndɔɔ niŋndo le malaa, (2) dimi yooŋgu kɛndɔɔ a wanaa nɔ taasioo le yooŋgu kɛndɔɔ dimioo wa ɔɔ kɔɔfaa, a (3) pɛɛku, pɛɛku, pɛɛku. Te a sina pɛ mɛɛ wana soliŋ yaulaŋ a nyɔɔŋ vɛlɛ a vidueilaŋ kpeku yɛ, a cho nyaaloo sɔla o wali taŋgulaa Mɛlɛka cho hoo tosaŋndo wo niŋ.

BANDU MƐŊGƐLAA A “TIONDO!”

BULUCHIƆƆLAŊ

BUKUILAŊ

YAULA PƆMBƆLAŊ

VIDUEILAŊ

 

YAU VEELAA

YAULA Ŋ KUA O JW.ORG WO

^ pɛl. 3 Yaulaŋ a nyɔɔŋ ŋpum ŋ naŋ seeluŋ o Kɔfu Nyɛm Waliŋ Naŋ Pɛɛku Waŋnda Woŋ niŋ te woŋ ma poonyiaa muŋ a waŋnda apum o kɔl. Ŋ soliŋ muŋ kpeku te o yɔŋ pɛ mbo bɛnda.