Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 ŊWAŊNUŊ MAA ŊKILISIƆŊ

Mɛɛ Ŋ Soliŋ Nyɛ Ŋ Nɔ le Dimioo wo Kpeku Yɛ

Mɛɛ Ŋ Soliŋ Nyɛ Ŋ Nɔ le Dimioo wo Kpeku Yɛ

Chɔŋ a Tɛɛkpaa wɔsii 2018, ŋ bii niŋ nyɛ ŋ nɔ le dimioo wo chɔɔ o Yoomu Naa leKilisiɔŋndo Yau Wali Bɔŋaŋndo choo o peele taseleŋ. Vɛɛ naŋ soliŋ yɛ ndu kpeku?

Te a Ke Num pɛ Suɛi le Yɔŋgoo o Sukuuwo Niŋ: A nɔ ma tofa o peele taseleŋ choo, ma soliŋ nyunaa, bolle Baabuileŋ, a nyuna cho le lɔɔ cheleŋ le nyɛ ŋ nɔ le dimioo wo kpeku. Kɛ hei chɔm naa maa a nɔ ma tosa ndu mɛɛ o mɛɛ nda tuula ndu o vidueiyo niŋ yɛ le. A nɔla ma chal o yɔŋ bɛɛ mi nda sim o vidueiyo niŋ. A kandu suɛi numnde o nɛi cheleŋ choo, nduyɛ suukaŋ nyaa bɛɛ nɔla mbo wa o nɛi cheleŋ choo. A hɛli vɛlɛ yau kɛ kɛ o Kɔfu Nyɛm Waliŋ Naŋ Pɛɛku Waŋnda Woŋ Niŋ le ma yɔŋgu, o yɔŋ bɛɛ ma dimul num le yau yɔŋgu o pɛl numndo bɛŋgu le.

O Wali Pollo Niŋ: Nyɛ ŋ nɔ le dimioo wo cho le naa malaa o wali pollo niŋ. Te waŋndo chɔm pɛ maa o nɔ yeemɛi kpeekpei le chɔɔloo sinaa, naapum a soliŋ nyɛ ŋ nɔ le dimioo le miiŋgu makɔɔ wo kpeku le mi la hiou lachi a suukaŋndo. A tosa yɛlɛmiaa o nyɛ ŋ nɔ le dimioo wo choo ɔɔ ma soo a nyɛ cheleŋ okɔɔ. Baa nyɛ naŋ pɛɛku o paŋgii hiou ve bɛŋgu wo, ɔɔ bolle Baabuile cheleŋ le nɔla mi le pilaŋ wanaa cho o tanda numndo niŋnda kɔltaŋ ni? Baa waŋnda nɔ pa yeemɛi o sɔɔŋ cho yɔŋnɔŋndo o tanda ŋ cho niŋndo? A soliŋ nyɛ ŋ nɔ le dimioo wo kpeku o nɛila bɔɔbɔɔ niŋ. Kɛ kpeleŋ numndo nɔ mbo wa “le yooŋgu Kɛndɛ Mɛlɛkaa hivioo lachi, le hali kpeŋ [num] bɛɛ ma huŋ sɔla sala cho o yooŋgu kalaa niŋ ndo.”—1Kɔl 9:​22, 23.