Kɔ o sɔɔŋ lebolloŋ sakpo

Kɔ o sɔɔŋ lebolloŋ sakpo

 BUŊGƐI 9

Nɛɛ Yaa Cho Yɛ Chaaŋaa Mɛlɛkaa?

Nɛɛ Yaa Cho Yɛ Chaaŋaa Mɛlɛkaa?

Chiisu Kiliti Po Chɛhowaa o cho ni, nduyɛ chaaŋ ndɔ cho ndu ikɛi kpɛɛluŋ ndo o cho ni. Tuupa mbo huŋ o lɛŋndeŋ choo maa wanachiee, Chiisu wa fɛŋ o choo choo niŋ o inyinaya. (Chɔŋ 17:​5) Okoŋ, mbo huŋ o lɛŋndeŋ choo le waŋchieeya pɛɛkoo tonyaa a Mɛlɛka okɔɔ. (Chɔŋ 18:​37) Mbo yɔŋgu vɛlɛ yoomu ndɔɔ le wanaa tusiaŋnda baŋaa o hakioo niŋ a piɔmndo. (Luomaŋnda 6:​23) Chiisu cho niŋ Masaa le Masale Mɛlɛkaleŋ. Masaleŋ o choo choo niŋ le huŋ niŋ a Kpele Hɛnɛkiɔɔ o lɛŋndeŋ choo wo.—Sɔɔŋ Chɔɔmaŋndoŋ 19:​16.

Maalikɛiya bɛɛ chaaŋaa Mɛlɛkaa nda cho ni. Maalikɛiya nda kendu yoomula ndalaŋ maa ŋwaŋchiee o lɛŋndeŋ choo le. O choo choo niŋ Mɛlɛka toosiaa nda ni tuupa mbo tosa lɛŋndeŋ. (Choobu 38:​4-7) Maalikɛiya cho o miiliɔŋndaŋ niŋ. (Daaniɛɛ 7:​10) Chaaŋaa Mɛlɛkaa haa o choo choo niŋ yeema mi waŋchieeya pɛɛku tonyaa a Chɛhowa okɔɔ.— Sɔɔŋ Chɔɔmaŋndoŋ 14:​6, 7.

Mɛlɛka nɔ vɛlɛ chaaŋaa nduaa o lɛŋndeŋ choo, o veelu nda aa seiyaa niaa. Seiyo o lemasa dimi nyɛ o sina a waŋndo okɔɔ wo. Seiyaa Chɛhowaa dimul acheleŋnda nyɛ nda sina a Chɛhowa okɔɔ wo vɛlɛ a sabu ndɔɔ. (Aisaya 43:​10) Maa maalikɛiya, Seiyaa Chɛhowaa yeema ma mala num le ma pɛɛku tonyaa a Chɛhowa okɔɔ. A yeema mi num bɛɛ wa chaaŋ o Mɛlɛka.