NUAWƆ

(Filipiaŋnda 2:​16)

  1. 1. Chɛhowa Finya naa, balika tau tau

    Ŋ naŋ bɔɔ kɔllo le Diom numndo sɔlaa!

    Nyɛ o nyɛ fee cho leniŋ,

    muŋ kpou le tɔnɔ naa.

    O ke naa nɛi chɔmaa, le tonyaa sinaa.

  2. 2. Diom numndo nɔ kpaayaa, le mbo yaasiaa naa

    Mbo piiliaŋ yiyaŋ naa a kɔlta naalaŋ.

    Sawala numndaŋ la naŋ,

    a chaa yamɛi kiolɔɔ.

    Sawala mandaalaŋ la naŋ bɔɔ le naa.

  3. 3. Diom numndo Chɛhowa,

    o poonyiaŋ le naa.

    Buɛiyaa numnda sindɛ bɛɛ ndaa nɔ hakioo.

    Yandii kindi tiindaŋ naa le o kɛndɔɔ tosaa.

    Balika Chɛhowa, le Diom num sɔviɔɔ!