NUAWƆ

(Sam 95:​2)

  1. 1. Masaa Chɛhowa ŋ mel num balikaa.

    Kɛkɛ miŋ dimi hei o piɛileŋ niŋ.

    Ŋ tiindaŋ num ŋ cho num piɛi a kɔllo,

    Ŋ sina maa num ko manda naa ni.

    Le haki naa lɔɔ lɔɔ miŋ benduŋ a num.

    Le hei miŋ piɛi num le malɔɔ hakioo.

    Balika tau le naa sala baŋaa kioo.

    Balika ma sina maa miŋ benduŋ.

  2. 2. Balika ma chɔm naa kaalaa a kɛndɛi.

    Balika ma sɔɔŋguu naa num ikɛi.

    Yandii mala naa le miŋ wa num piɛiyo.

    Chɔm naa mɛɛ naŋ wa sakpo a num yɛ.

    Ŋ mel num balikaa le nyina diandaa.

    Balika le naa kɔllo kioo le suɛi.

    Maa ŋ chɔm tusiŋndo o num piɛiyo niŋ.

    Balika tau le naa kaalaa chɔmndo.