NUAWƆ

(Luomaŋnda 16:​2)

  1. 1. Sela a Ɛsta, Meele, Lufu nda kpou,

    Waŋ laanduaa chɔm lo lechoo wa nda wa ni.

    Ma tosa nyɛ o nyɛ Mɛlɛka naa soo.

    Waŋ laanduaa kɛndiaa haa, ŋ sina nda tau.

    Acheleŋ wa o haa kɔɔli wa bɛɛ,

    Ndaa nɔ tiindaŋ pilɔɔ, mi Chɛhowa chɛl nda.

  2. 2. Kaalaa a kɛndɛi, kɔl sikpaa, lo lechoo,

    Suliŋnda sɔvɛlaŋ le waŋchieeya kpou,

    Waŋ laanduaa Mɛlɛkaa haa ndaa nɔ laŋ kpou

    Taamasi kɛndɔɔ nda cho le naa hau ni.

    Ndepiliaa naa o Kiliti niŋ bɛɛ,

    Cho kaalaŋ ndaŋ chɔmndo le miŋ wa nda tuulaa.

  3. 3. Kalla a chuauwa, laanduaa a yemaa naa.

    La dɔu kɔllo kpou le wali nyaa tosaa.

    La nɔ bɔɔ bɛɛleŋ tau, nduyɛ la tusiŋ,

    Mɛlɛka kaala nya, siooŋii wa nya le.

    Ndepiliaa naa, Chɛhowa mala nya,

    Maa la lo lechoo fɔ, o cho nya ke fandaa.