LE YƐƐ HEI BƐNDA YƐ: Mi Sɛkalaya dimi maa waŋnda fulaa o lɛŋnde kpou a kaalaŋ kpou niŋ cho wa nilaŋ yaŋɔɔ a kɔl kɛndɛ o yooŋgu kɛndɔɔ. (Sɛk 8:​23) Kɛ nɛɛ cho yɛ nda pɛɛku? (Luom 10:​13-15) Ŋ nɔ dikeŋnaŋndo vɛlɛ a kalaŋndo le miŋ dimul wana o wana cho o tanda naa niŋ yooŋgu kɛndɔɔ.—od-E 84 ¶10-11.

VƐƐ Ŋ TOSA YƐ HEI:

  • Bɛɛndiaŋ. Baa a komal pa wanaa dimi suɛi maŋgalɛi cheleŋnde wa? A soliŋ “JW Language app” kpeku le ma pɛɛku nyɛ ŋ tuu le dimioo wo. Te koŋ te, a soliŋ nyɛ mapuulu numndo kpeku ma chɔm waŋndo mɛɛ o saaluŋ yooŋgulaŋ tau o suɛi nduɛi maŋgalɛi niŋ o jw.org yɛ

  • Mɛɛndiaŋ o nɛi taasi niŋ. Te a wa pɛ yooŋgu kɛndɔɔ dimioo chiɛiyo a chiɛiyo, puɛɛnuŋ le suɛi o wanaa hiau naŋnda lo vɛlɛ a wanaa cho chɔmndo o mɔmbiltaŋ niŋnda le. Te naa waŋnda hiau tau wa ŋ cho yooŋgu kɛndɔɔ dimioo ni, handu kɔllo o kpeleŋ numndo choo le yooŋgu kɛndɔɔ dimioo

  • Nɔ yeemɛi le waŋnda malaa. Hiou lachi a kindiŋndo le ma soo o wanaa ŋ komal o bɛɛla ndalaŋ te wa o kɔla taselaŋ. Kindiŋ le ma soo o waŋndo lo o chiɛi o chiɛi niŋ, naapum a teleŋnda yɛ yɛlaŋ o paaleŋ niŋ ɔɔ o paale cheleŋ choo o lɔɔ bɛŋgu. Wanaa chiɛiya apum mɛɛ ma poonyial nda, ma veelu nda o foŋndo choo, ɔɔ ma soo o ndalo o nɛi

  • Miiŋgu o wana chɔm yeemɛiyo lo. Keleŋa miiŋgu o wanaa chɔm yeemɛiya lo. Te wana koŋ dimi pɛ suɛi maŋgalɛi cheleŋ, kindiŋ ma nuuviaa wana suliŋndo le mbo mala ndu o suɛi nduɛi maŋgalɛi niŋ. Hiou lachi a kɔlaŋ o wana koŋ lo haaa mbo lo okoŋ mbo sɔla wana dimi suɛi maŋgalɛi nduɛi yo.—od-E 94 ¶39-40

TOFA VIDUEIYO HOO, YOOŊGU KƐNDƆƆ DIMIOO “BA O BA FEE O CHIEEŊNDO CHOO,” OKOŊ MI LA YAASIAA NYUNALAŊ NDAŊ:

  • Vɛɛ puaapiliaa a ndepiliaa ndaa bɛɛndiaŋ yɛ le wanaa cho o tandala leviltaŋ niŋnda yooŋgu kɛndɔɔ dimullo? (1Kɔl 9:​22, 23)

  • Simulta kuɛɛ ndaa nɔ yɛ ma chɔulaba?

  • Salala kuɛɛ ndaa tuei yɛ yeela?

  • Sɛmbɛ yɛɛ ŋ duau yɛ le wanaa bɔɔbɔɔ o tanda numndo niŋ yooŋgu kɛndɔɔ dimullo?