Mi Baabuiyo dimi maa Setana cho naa nyɛpalaa tuisi choo le halikpeŋ mbo kuunaa wali naa dimiaa yooŋgu kɛndɔɔ. (Chɔŋ 15:20; Sɔɔŋ 12:17) Vɛɛ naŋ mala yɛ chaaŋaa naa Kilisiɔŋnda a nda cho nyɛpalaa tuisioo choo o lɛŋii cheleŋnde niŋnda? Ŋ piɛi le nda. “Wanaa cho sakpo Mɛlɛka o hɔl la piɛile nda piɛi leŋ le nɔ kpaayaa, nduyɛ le tosa sɔɔŋ bɛnduŋ faŋga.”Chemi 5:16.

A yɛɛ okɔɔ naŋ piɛi yɛ? Ŋ nyuna Chɛhowa le mbo ke puaapiliaa a ndepiliaa naa kɔl sikpaa nduyɛ mbo mala nda a nɔ isiooŋ te. (Ai 41:10-13) Ŋ piɛi vɛlɛ le mi masaa waa chɛl naa miŋ dimi yooŋgu kɛndɔɔ, “le mi ŋ wa a kɔl nyulu sɔŋgɔ ve le.”1Timo 2:1, 2.

Mɛɛ nda tuisi Pɔɔl a Pitɛ nyɛpalaa choo, mi Kilisiɔŋaa tasiaa piɛi le nda ma pial nda diolaŋ o piɛileŋ niŋ. (Walta 12:5; Luom 15:30, 31) O yɔŋ bɛɛ miŋ sina diola wanaa nda cho hau nyɛpalaa tuisioo choo wa le, ŋ pial diola kunda ndaa, lɛŋndeŋ nda cho niŋndeŋ, ɔɔ tanda nda cho niŋndo o piɛileŋ niŋ.

Poonyiaa lɛŋii nda cho Kilisiɔŋnda nyɛpalaa tuisioo choo ve lebɛŋgu, a ŋ yeema piɛileŋ le nda wa.