Kilisiɔŋnda cho ko “mɛɛ nda chii niŋ waŋndo yamɛi kilul le ndu diyɔɔ faŋgaa o hɔl deŋ yɛ.” (1Kɔl 4:​9) Lelaŋ, kɔndɔfili nɔ mbo bii naa le te wanaa naŋ dimul yooŋgu kɛndɔɔ wa apum sim pɛ o wundɛiyo ɔɔ o dio kindaa kɔɔli ma yaŋ naa nilaŋ. Naapum mi chiɛiyo nɔ nyɛ chuaa lafotueiyo ɔɔ foŋndo le mi wana chiɛiyo wa nuaa, nilaŋ yaŋɔɔ, ɔɔ mbo wa naa diomndaŋ chuaa. Nuawɔ nɛilaŋ lapum le kaa kɛndɔɔ chɔmndo o chiɛila waŋnda o wali pollo niŋ.—2Kɔl 6:​3.

O KAA NUMNDO NIŊ (Fil 1:​27):

  • Chɔm bɛɛleŋ le wana chiɛiyo a mɛɛ ŋ fafaŋ hɔlteŋ keeliaa o chiɛi pilaa niŋ yɛ. Te a wa niŋ pɛ isisi o dio waŋndo, pɛŋgi nyɛdiaa dioo, mɛŋndaŋ kolɔɔ, veeloo ɔɔ yooŋgoo yɔŋndo o foŋndo choo

• O SUƐI NUMNDE NIŊ (Ɛfi 4:​29):

  • Te a wa niŋ pɛ o dio waŋndo o wali pollo niŋ, dimi lɛ suɛi kɛ kɛ ŋ yeema le mi wana chiɛiyo o tuei kposoŋ te ve le. Mi wanaa dimiaa yooŋgu kɛndiaa apum kelu pɛɛŋ baltaŋ a wana nda cho o wali pollo niŋndo le halikpeŋ ma yiyaŋ o nyɛ nda yeema dimioo wo choo

Ɔɔ nɛila cheleŋ ŋ chɔm kaa kɛndɔɔ o chiɛila waŋnda o wali pollo niŋndo?