LE YƐƐ HEI BƐNDA YƐ?: Wana Pɛɛkaa Bɛndoo Chɛhowa, cho naa pɛɛku hiou o kɛ kɛ wo kioo. O cho naa pɛɛkoo mɛɛ naŋ tosa hiouwɔɔ lachioo o yoomula naalaŋ niŋ yɛ vɛlɛ mbo wa naa chila kɛndɛlaŋ bɛɛndiallo. Ŋ yɔŋgu nyɛ o nyɛ le pɛɛkoo hoo le! (Ai 11:​6-9; 30:​20, 21; Sɔɔŋ 22:​17) Sanaa a pɛɛku iMɛlɛkayaa Chɛhowa bɛɛndiaa naa ni le miŋ kɔ dimul acheleŋnda yooŋgu piŋi hoo yoomulaŋ ndo.​—2Kɔl 3:​5.

VƐƐ Ŋ TOSA YƐ HEI?:

  • Kindiŋ le ma nɔ kaa tusiaŋndo.​—Sam 25:​8, 9

  • Bii pɛɛku Chɛhowa cho num kioo suŋ suŋ ndo a bala tiɔɔŋ, mɛɛ waa sukuunɔɔ o bɔŋaŋ naŋ bii o lɔɔ tɛɛŋndo cho naa yɛ

  • Kɛsi kpeleŋnda iMɛlɛkayalaŋ le numpila.​—Fil 3:​13

  • Soliŋ sala le ma suliŋ le pɛɛkoo chɔɔloo sɔlaa.​—Fil 3:​8

LA TOFA VIDUEIYO HOO SUL IMƐLƐKAYAA SƆLAA SANAA A PƐƐKU CHƐHOWAA, OKOŊ MI LA MULI NYUNALAŊ NDAŊ:

  • Simulta kuɛɛ puaapiliaa a ndepiliaa apum keeku yɛ niŋ le kɔlaŋ o Sukuuwo le Wanaa Dimi Yooŋgu Kɛndɛ leMasaa Wa?

  • Pɛɛku yɛɛ Sukuuwo le Wanaa Dimi Yooŋgu Kɛndɛ leMasaa Wa ke yɛ wana?

  • Vɛɛ wanaa cho o kundalaŋ niŋnda mala yɛ wanaa fula haa o sukuu wo hoo niŋnda o wali nda sɛnɛiyo niŋ?

  • Yɛɛ yeemaŋ yɛ le kɔlaŋ o Sukuuwo le Wanaa Dimi Yooŋgu Kɛndɛ leMasaa Wa? (kr-E 189)

  • Pɛɛkula cheleŋ kuɛɛ ŋ kindiŋ yɛ le sɔlaa o kɔɔna Chɛhowaa niŋ?

Salala kuɛɛ ŋ sɔla yɛ te a kindiŋ pɛ le pɛɛku iMɛlɛkayaa sɔlaa?