Wanaa velu nda wa mala nda le hei tosaa a mɛɛ nda pɛɛku nda Baabuiyo teleŋ nda cho a pɔmbɔ wo yɛ. (Di 6:​7; Pulɔ 22:​6) Baa sala soliaŋndo yeemaŋ pa o hei niŋ? Tonya kpeekpei! Kɛ tɔnɔlaŋ la hiou a sala soliaŋndo.​—3Chɔŋ 4.

Kalaŋ chuauwa pɛɛku tau o taamasi Choosɛ nda Meele wo. “Wɔsi o wɔsi Choosɛ nda Meele nda aa kua Chulusɛlɛm le Bɔŋaŋ Loonaŋndo a Hiouwɔɔ Choo Wo okɔɔ,” mi che bɛɛ sɛmbɔɔ ndoo yeemaŋ ni a nyɛ sɔlaa. (Luk 2:​41) O dimi niŋ, nyɛ wa o sɔvɛ le Choosɛ nda Meele wo wa le mi yuŋgu ndaa sɔɔŋguu Chɛhowa ikɛi kpɛɛluŋ ni. Hau bɛɛ, kalaŋ chuauwa nɔla ma manda chuauwaa ndaa nyɛkɛndɛi te a soliŋ pɛ teleŋ kɛ kɛ kpeku o nyɛ nda cho dimioo wo niŋ vɛlɛ a taamasi ndaa.—Sam 127:​3-5.

TOFA VIDUEIYO MA SOLIŊ TELEŊ KƐ KƐ KPEKU, OKOŊ MI LA MULI NYUNALAŊ NDAŊ:

  • Vɛɛ Jon nda Sharo Schiller kɛsi yɛ Masale Mɛlɛkaleŋ nyɛ tase teleŋ nda wa chuauwa mandaa wo?

  • Le yɛɛ kalaŋ chuauwa nɔ yɛ ma sina mɛɛ nda sila chua kɛ kɛ fee yɛ?

  • Vɛɛ kalaŋ chuauwa pɛɛku yɛ chuauwaa ndaa le loo o laalaŋndo choo o simullo bɛŋgu?

  • Nyɛm waliŋ kɔɔna Chɛhowaa kuɛɛ ŋ soliŋ yɛ kpeku le chuauwaa numnda malaa ma tosa hiouwɔ lachioo o Mɛlɛka piɛiyo niŋ?

Kɛsi sɔɔŋ Mɛlɛkaŋ nyɛ tase le yuŋgu numndo