Le vɛɛ kpɛ ŋ cho yɛ niŋ chumndo le mi Masale Mɛlɛkaleŋ le hiŋ? A cho niŋ pa chumndo ma wa biuwɔŋndo mi che bɛɛ a cho o nyɛkindilaa bɛŋgu? (Luom 8:​25) Kilisiɔŋnda apum cho yɛle tulaaleŋ, biyɔɔ wɔɔŋndo, chiɛila manyumndaŋ biuwɔŋndo, ɔɔ ma kɔŋgɔlaŋ nda pɛɛŋ le nda diyɔɔ. Apum cho nyɛkindilaa cheleŋ biuwɔŋndo mɛɛ dialii nɛyɛi cho naa yɛ ɔɔ yuwɛi.

Yɛɛ mala yɛ naa miŋ chum nduyɛ miŋ hiou lachi a tɔɔndaŋ kɛ kɛ biuwɔŋndo? Ŋ nɔ miŋ kindi tiindaŋ naa lɔɔlɔɔ a diomndaŋ veeloo o Baabuiyo niŋ nduyɛ miŋ yiyaŋ o nyɛ naŋ pɛɛku wo choo. Ŋ nɔ miŋ handu kɔllo o tiindaŋ naa choo. (2Kɔl 4:​16-18; Hibu 12:​2) Ŋ nɔ miŋ nyɔɔlu Chɛhowa o piɛileŋ niŋ nduyɛ miŋ nyuna ndu le mbo ke naa kpaaya nyina ndɔ diandaa. (Luk 11:​10, 13; Hibu 5:​7) Finya naa kaalaa tiuba mbo mala naa le ‘miŋ nɔla miŋ sim nyɛ kɛndɛ yi, miŋ hiou lachi a biuwɔŋndo.’—Kolo 1:​11.

TOFA VIDUEIYO HOO “LA Ŋ SIMNUŊ KƆL NYƐ KƐNDƐ YI LE KƆLA CHO NAA LACHI LAŊ”—NƆ TIINDAŊNDO MAA A CHO FANDAA SƆLA, OKOŊ MI LA MULI NYUNALAŊ NDAŊ:

  • Sɔɔŋ kuɛɛ yɔŋnuŋ yɛ naa o yoomoo niŋ “a teleŋ naŋ ve muŋ kɔl te wo”? (Iki 9:​11, NW)

  • Vɛɛ piɛileŋ le mala yɛ naa te tɔɔndaŋndo komal naa pɛ?

  • Te ŋ nɔla tosaa o wali Chɛhowaa niŋ maa paandu le, le yɛɛ o bɛnda yɛ miŋ handu kɔllo o nyɛ naŋ nɔla tosaa wo choo?

  • Handu kɔllo o fandaa choo

    Yɛɛ mala yɛ num ma hiou lachi a tiindaŋndo nɔɔ maa a cho fandaa sɔla?