Teleŋ Chiisu wa o chieeŋndo choo wo, mbo kindila sawaa hoo aa, “Ke finya num bɛɛleŋ a kala num.” (Ɛs 20:​12; Mat 15:​4) Mi Chiisu ndoo soo fɛɛsɛŋ kanifuule, mbo “diikuŋ” wanaa velu ndu wa teleŋ o wa feleŋgɔnɔ wo. (Luk 2:​51) Mɛɛ o sul kaasoŋnɔ, mbo tosa a sabu le ma mandal ndu kala ndɔ o piɔm ndɔɔ kɔɔli.—Chɔŋ 19:​26, 27.

O palɛi nɛi niŋ hau bɛɛ, Kilisiɔŋaa feleŋguaa apum diikuŋ wanaa velu nda wa nduyɛ ma soo o nda lo nyɛkɛndɛi le nda bɛɛleŋ kioo. Nduyɛ, sawaa le wanaa velu naa wa bɛɛleŋ kioo nɔ lamɛɛlu le. O yɔŋ bɛɛ mi wanaa velu naa wa a yuuwa, ŋ nɔ miŋ hiou lachi a nda bɛɛleŋ kioo le miŋ sɔla tɔnɔɔ o taasi ndaa niŋ. (Pulɔ 23:​22) Ŋ chɔm vɛlɛ bɛɛleŋ le wanaa velu naa wa te ŋ wa nda pɛ nyɛm nda hau ba woŋ kioo o nɛi nyɛsɔlaa niŋ vɛlɛ a kɔl dɛɛniaa nda yeema wo. (1Timo 5:​8) O yɔŋ bɛɛ aa feleŋguaa naŋ cho ni ɔɔ ŋ yuuwa, kindiŋndo le suukaŋ kɛndɔɔ nɔɔ a wanaa velu naa wa cho nɛi sɔvɛ naŋ ke nda bɛɛleŋndo ni.

TOFA VIDUEI NDA CHO WA POONYIAA O PƐŊGƐI HUMBUEI CHOO WO, VƐƐ YA SUAA YƐ O WANAA VELU YA WA LO? OKOŊ MI LA MULI NYUNALAŊ NDAŊ:

  • Le yɛɛ ŋ cha yɛ ndi i kala le suɛi o wanaa velu numnda lo?

  • Vɛɛ ŋ ke yɛ wanaa velu numnda bɛɛleŋ te a wa pɛ suɛi o nda lo?

  • Le yɛɛ o bɛnda yɛ ma kindi kindiŋ le suɛi o wanaa velu numnda lo? (Pulɔ 15:​22)

    Suɛi o wanaa velu numnda lo mala num ma sɔla batiuwaa o yoomoo niŋ