“JW Library” cho nyɛ mala num le Baabuiyo hivioo, yaula cheleŋndaŋ, vidueilaŋ, vɛlɛ a diomnda nda chua waŋnda laŋ o foŋ numndo niŋ, tabilɛtiiyo, ɔɔ kɔmpitɛiyo (ɔdinatɛɛloo). O cho nyɛ ŋ paawa le ndu le o cho le.

VƐƐ Ŋ LOOKU YƐ NDU SƆLA? Kɔ o Intanɛtiiyo choo, ma soliŋ “app store” kpeku ma hivi “JW Library” o nyɛ num mapuuloo niŋ. Nyɔɔ hoo “app”, o tosa wallo a nyɛm mapuuluŋ yɛ yiɔɔŋ. Te a kuɛ o Intanɛtiiyo choo pɛ, kumbi “app” ma hɛli nyɛ ŋ yeema le hivioo o nyɛ num mapuuloo niŋndo. Te a nɔ Intanɛtii o numndo bɛɛ le, naapum a kua naa cheleŋ Intanɛtiiyo cho wa. Te a chii niŋ pɛ yaulaŋ hivi o nyɛ num mapuuloo niŋ, mi Intanɛtii ve lɛ bɛɛ le, a nɔla ma soliŋ ndaŋ kpeku. Le mɛɛ nda handu sɔɔŋ sɛnɛiyoŋ teleŋ o teleŋ o “JW Library” yɛ, a nɔ ma wa tofaa lɔɔlɔɔ o Intanɛtiiyo choo le ma hivi sɔɔŋ sɛnɛi cho loŋ ndoŋ.

LE YƐƐ O BƐNDA YƐ MA NƆ NDU? “JW Library” mala num tau le pɛɛkɔŋ ipilayaa tosaa vɛlɛ a sɔɔŋ bɛɛndiaa le bɔŋaŋnda naŋ bii laŋ. O cho vɛlɛ nyɛ mala num o wali pollo niŋ taama taama le yooŋgu kɛndɔɔ dimioo o baltaŋ niŋ.