O wa tɛtɛlɛ miŋ yiyaŋ maa feleŋguaa naŋ cho lo le fɛɛŋ a fɛɛŋ ni nduyɛ maa boondii “nyɛ palɛi bɛnduei” komal niŋ naa o chieeŋ Setanaa niŋ te. (Iki 12:1) Te feleŋgɔnɔɔ ŋ cho ni, o bɛnda ma yiyaŋ maa a nɔ teleŋndo tau le ma kɛsi kpeleŋndaŋ o Mɛlɛka piɛiyo niŋ mɛɛ waa o wali lɔɔlɔɔ Mɛlɛkaa niŋ cho naa yɛ le?

Mɛɛ naŋ cho kpede, “suɛi naŋ ve kɔl tei yɔŋnuŋ a teleŋ naŋ ve ndi kɔl te wo” kɔ bii a feleŋguaa. (Iki 9:11, NW) “La sina nyɛ cho yɔnɔŋ siɔdii yo le.” (Chemi 4:14) Lelaŋ, miŋgi kpeleŋnda ŋ kɛsi o Mɛlɛka piɛiyo niŋndaŋ kɔɔli o fondo fuu wo choo le. Tosa “wali kɛndɛ kɛndɔɔ hoo” teleŋ ŋ cho wɔ feleŋgɔnɔ wo. (1Kɔl 16:9) Lepilɛ bɛɛ a tembu niŋ kɔl te.

Kpeleŋnda kpeekpei ŋ kɛsi o Mɛlɛka piɛiyo niŋndaŋ latiŋ:

  • Yooŋgu kɛndɔɔ dimioo o suɛi maŋgalɛi cheleŋ niŋ

  • Wali lekɔɔfaa

  • Kɔlaŋ o sukuula iMɛlɛkayalaŋ

  • Wali taŋgulaa

  • Wallo o Bɛtɛl

  • Buɛile ibuŋgaleŋ

Kpeleŋnda nilaŋ.