Adam nda Ifi tuii Mɛlɛka diom te nduyɛ ma wu pɛ. Chɛnɛsee 3:​6, 23

Mi Ifi yaŋ kɛuwo nilaŋ nduyɛ mbo dia komɔɔ yɔm koŋ. O koŋ kɔɔli, mbo ke Adam pɔnɔ ndɔ o tiŋ mi ndu bɛɛ dia ndu.

Nyɛ nda tosa wo niŋ te. Hakioo nda tosa ni. Mi Mɛlɛka tuau nda o chiee nda Kpele Hɛnɛkiɔɔ niŋ.

Yoomoo wa niŋ o kala kpoke le nda pila vɛlɛ a chuauwaa ndaa. Ma yuuwa nduyɛ ma wu. A kue fondaŋ o fondaŋ cheleŋ o chieeŋndo niŋ le ma wa achal o inyinaya le, kɛ ma wu pɛ.

 Waŋvilɛiya nɔ yoomu niŋ te. Maa chundu ko nda cho ni. Chɛnɛsee 3:​19

Ŋ wu hau kanifuule, naa kpou o Adam nda Ifi niŋ naŋ fula ni. Waŋvilɛiya nɔla ma che naa le, kɛlɛŋgaa ma tuei, kɛlɛŋgaa ma nɔla le nyɛ o nyɛ tosa.​—Chɔŋ 11:​11.

Chɛhowa ndoo yeema mi wanachioo ndoo vi kposoŋ te. O cho hunɔɔ suŋ suŋ wanaa cho o lɔma piɔmndo niŋndaŋ miŋgi yoomu pila. Te a tuei ndu diom pɛ, a cho wa achal lefafɛɛŋ.