Nya Kaala haa Chɛhowa wa, lawosɛ:

Mi Chiisu dimi aa, “La cho tonya cho a Mɛlɛka okɔɔ wo sina, mi tonya cho koŋ a Mɛlɛka okɔɔ wo o baŋa nya.” (Chɔŋ 8:​32) Diomnda kɔlta dɛɛniaa laŋ pila la cho laŋ ni. Ŋ cho niŋ o “palɛi mɛɛlɛi” chieeŋndo hoo niŋ. Nduyɛ, pɛɛkula lachoowalaŋ la kuii la hɔbɛi. (Timoti Diiŋ Ndɔɔ 3:​1) Kɛ a koŋ kpou, ŋ nɔla miŋ sina tonya cho o diom Mɛlɛkaa niŋndo. Mɛɛ ŋ kandu tonya cho o Baabuiyo niŋ a Mɛlɛka okɔɔ wo pɛɛkoo, vɛɛ kɔllo wa yɛ num? Ma naŋ kɔl tau, lende le?

O cho bɔɔ suɛi sɔvɛ le pɛɛkoo tonya cho o Baabuiyo niŋndo. Nduyɛ, o cho vɛlɛ suɛi sɔvɛ le acheleŋnda dimullo a nyɛ naŋ pɛɛku wo okɔɔ. Kɛ, nyɛ cho vɛlɛ o sɔvɛ wo cho kaala naalaŋ ni. Mɛɛ mila chɛlaŋ a tonya naŋ cho pɛɛkoo wo. Le miŋ tiuba le hei tosaa, mɛɛ miŋ lo o kaala Mɛlɛka wo bɛŋgu. Yɛɛ o sim yɛ le loo o kaala Mɛlɛka wo bɛŋgu? Tuupa mi Chiisu wu, mbo muli nyunaa hoo. Mbo dimul wanaa o vem hɔlte ndɔ wa aa, “Te la chua savala nilaŋ pɛ, mɛɛ la cho hiouwɔɔ lachi a vaa o kaala nuu bɛŋgu. Mɛɛ ya I chua savala Finya nuu, mi I va hiouwɔɔ lachi a vaa o kaala ndɔɔ bɛŋgu yɛ.”—Chɔŋ 15:​10.

Kɛsiŋ o kɔl maa mi Chiisu lo o kaala Mɛlɛka wo bɛŋgu a mɛɛ o bii sawala ndɔlaŋ yɛ. Lende ko naa bɛɛ nɔ ni miŋ tosa. Le miŋ lo o kaala Mɛlɛka wo bɛŋgu, mɛɛ miŋ dɔu nyɛ naŋ cho pɛɛkoo wo o wali niŋ lɔɔlɔɔ. Mi Chiisu dimi vɛlɛ aa, “Mɛɛ nya sina niŋ sɔɔŋ muŋ nuaa yɛ, te o va pɛ mi la tosa muŋ, mɛɛ la pɛl tɔnɔɔ.”—Chɔŋ 13:​17.

Ŋ nɔ tiindaŋndo maa yauwo hoo cho nya mala le dɔuwɔɔ tonya nya cho pɛɛkoo wo o wali niŋ lɔɔlɔɔ. Ŋ nɔ vɛlɛ tiindaŋndo maa o cho nya mala mi la hiou lachi a “vaa o kaala Mɛlɛka wo bɛŋgu.” Nduyɛ mila “chum le yoomu kpeekpei nɔ lamɛɛlu le wo.”—Chiud 21.

Dialii Kuumbaŋ Choo Seiyaa Chɛhowaa