“Te o wa pɛ mi dɛnɛla palaalaŋ la komal nya, la wa a kɔlta kɛndɛ. Kanifuule, le teleŋ biŋgi koni la wa niŋ nya choo ni.” —Pitɛ Tasoo 1:​6, NW.

Mi che bɛɛ naa ma kindiŋ haaa le nyaaloo sɔlaa o nɔɔ niŋ a yuŋgoo, kɛ mi sɔɔŋ pum yɔŋnuŋ mi koŋ tosa ndi ikala kala le mi nyaale nyaa hiou lachi. (Ikilisiate 9:​11, NW) Te o wa pɛ mi simultaŋ la komal naa, Mɛlɛka kaalaa yɔŋgu naa malaa. Te o wa pɛ ma tol silala Baabui cho laŋ lachi laŋ kɔɔli, num a yuŋgu numndo nɔla mila biunuŋ simulta kala kalalaŋ.

 1 TIINDAŊ CHƐHOWA

NYƐ BAABUIYO DIMI WO: “Buulaŋ o buulaŋ nya nɔ kpou, la nyindu o Mɛlɛka lo. Kani fuule ndu manda nya ni.” (Pitɛ Tasoo 5:​7) Lɔɔlɔɔ loonuŋ maa o cho Mɛlɛka le ŋ nɔ ma bii tɔɔyaŋ le simulta komal numndaŋ te. (Chemisi 1:​13) Te a naŋnuŋ Mɛlɛka ikɛi pɛ kpɛɛluŋ, o cho num mala sɔviɔɔ ke. (Aisaiya 41:​10, NW) “Tɛi kɔl numndo wakpa o ndu lo.”—Chondei 62:​8, NW.

Te a wa pɛ Baabuiyo pɛɛkoo lɔɔlɔɔ, a cho kɔl dɛɛniaa sɔla. O hei niŋ, a cho sina mɛɛ Chɛhowa “nyɔɔlu naa kɔltaŋ niŋ o dɛnɛ o dɛnɛ palaa niŋ” yɛ. (Kɔliŋtiaŋ Diiŋ Ndɔɔ 1:​3, 4; Luomaŋnda 15:​4) O mɛi lediom maa, o cho num ke “kɔl nyulu Mɛlɛka yɔŋgu wo o wana chiee nɔla mbo sina bɛɛ lapɛŋgu le wo.”—Filipiaŋnda 4:​6, 7, 13.

NYƐ Ŋ NƆ MA TOSA WO

  • Piɛi Chɛhowa le mbo mala num ma biunuŋ, nduyɛ ma nɔ yiyaŋ walaŋndo

  • Mɛɛndaŋ nyɛm ŋ tuu le tosaa woŋ kpede, nduyɛ ma hɛli o bɛnda le tosaa wo

2 MANDA NUMPILA A YUŊGU NUMNDO

NYƐ BAABUIYO DIMI WO: “Wana kɔlkaloo sɔla taasioo ni, nduyɛ nile wana taasioo nuuviaa le sɔlaa.” (Talelaŋ 18:​15, NW) Sina sabulaŋ kpede. Nyuna nyɛ wana o wana o yuŋgu numndo niŋ yeema wo. Suukaŋ a nda. Nduyɛ, ma yaŋ nda nilaŋ.—Talelaŋ 20:​5, NW.

Te o wa yɛ mi wana ŋ kaala wo vi? Yɔŋ isiooŋ le chaŋndo le. Loonuŋ maa “mi mɛmiaŋ ma tual Chiisu kpasu kpasu.” (Ikilisiate 3:​4, NW; Chɔŋ 11:​35) O bɛnda le ma sɔla pɛŋgioo, nduyɛ ma nuuviaa teleŋndo le luaŋ. (Ikilisiate 4:⁠6. NW) Hei mala ma biunuŋ boondii nyɛpalaa.

NYƐ Ŋ NƆ MA TOSA WO:

  • Tuupa mi dɛnɛpalaa yɔŋnuŋ, tosa ndi maa kaa num le ma wa suukaŋndo a yuŋgula numndaŋ. Te bahawɛiyo hiŋ pɛ, yuŋgu numndo cho wa fɛɛsɛŋ le suukaŋndo a num

  • Suukaŋ a wanaa suɛi waa ndoo komal niŋ paandu wa

 3 SƆLA MALA Ŋ YEEMA WO

NYƐ BAABUIYO DIMI WO: “Kaalaa cho chaŋyɛi kɛndɛi tɛɛŋ le teleŋ o teleŋ. Nduyɛ, o yɔŋ bɛɛ o teleŋ nyɛpalaa niŋ, a melaŋ te.” (Talelaŋ 17:​17, NW) Chaŋyaŋ numndoŋ yeema le num malaa, kɛ a sina nyɛ nda nɔ ma tosa wo le. Lelaŋ, dimul nda nyɛ ŋ yeema kpeekpei le ma tosa wo. (Talelaŋ 12:​25, NW) Dimul vɛlɛ wanaa sina Baabuiyo pɛŋgu wa ma mala num. Nɛi chɔmaa nda cho num ke o Baabuiyo niŋndo cho num mala.—Chemisi 5:14.

A cho mala ŋ yeema wo sɔla te o yɔŋ pɛ ma wa chaŋyɛi tosaa lɔɔlɔɔ a wanaa nɔ laalaŋ kpeekpeiyo o Mɛlɛka niŋ, a mɛila ndɔlaŋ nda. A sɔla vɛlɛ kɔl dɛɛniaa te a mala pɛ wanaa yeema kɔl dɛɛniaa wa. Chɔm nda laalaŋ numndo o Chɛhowa niŋ a mɛila ndɔlaŋ. Wa lɔɔlɔɔ acheleŋnda malaa. Nduyɛ kɛsiŋ numpila yuŋyeŋ a wanaa kaala num, ma buulaŋ a numnda le.—Talelaŋ 18:​1, NW; Kɔliŋtiaŋ Tasoo 15:58.

NYƐ Ŋ NƆ MA TOSA WO:

  • Soo o chaaŋ num kɛndɔɔ lo le mbo mala num

  • Dimul ndu tonyaa a bahawɛila numndaŋ okɔɔ