Baa chieeŋ naa hoo cho wa . . .

  • mɛɛ o cho naa yɛ?

  • o cho chɔɔlu lewɔu?

  • baa o cho miiŋgu o kɛndɛ?

 YƐƐ BAABUIYO NDU DIMI YƐ?

“Mɛlɛka . . . cho nda mamɛmɛ o mamɛmɛ wɔɔsuu o hɔl fo. Wana o wana vi lɛ le. Wana o wana ve lɛ a kɔl tambɛi le, kɛlɛŋgaa mi wana chaŋ, kɛlɛŋgaa mi nyɛ nɛiyaa va, kani fuule, nyɛ o nyɛ paandu chuu faŋaŋ.”​—Sɔɔŋ Chɔɔmaŋndoŋ 21:3, 4, Yooŋgu Kɛndɛ Mɛlɛkaa.

VƐƐ HEI MALA YƐ NUM?

A tosa niŋ wallo ma hini kɔl.​—Aisaya 65:​21-23, Yau Mɛlɛkaa.

Naala ve lɛ niŋ te. Nyɛpalaa suu o suu cho vɛlɛ wa le.​—Aisaya 25:8; 33:24.

A tuɛi niŋ yoomu nɔ lamɛɛlu le wo yeela nya yuŋgu numndo, vɛlɛ a chaaŋaa numnda.​—Sam 37:11, 29.

 LE YƐƐ KPEEKPEI NAŊ NƆ YƐ MIŊ LAALAŊ NYƐ BAABUIYO DIMI WO?

Ŋ nɔ miŋ laalaŋ nyɛ Baabuiyo dimi wo le sabulaŋ la tiɔɔŋ:

  • Mɛlɛka tiuba mbo tosa nyɛ o dimi wo. O Baabuiyo niŋ, Chɛhowa Mɛlɛka kinɛi sɔla veelɔŋndo ni aa “Mɛlɛka nɔ kpaayaa kpou” wo. Hei cho tonya, kanifuule, kpaaya ndɔɔ nɔ lamɛɛlu le. (Sɔɔŋ Chɔɔmaŋndoŋ 15:3) Lelaŋ, o tiuba mbo tosa nyɛ o dimi le tosaa wo. O tiuba mbo miŋgi chieeŋ naa hoo o kɛndɛ. Baabuiyo dimi aa, “Mɛlɛka ndu nɔla mbo tosa nyɛ o nyɛ.”​—Maatiu 19:26.

  • Mɛlɛka nɔ yeemɛi le tosaa nyɛ o dimi wo. Le tamaseliiyo, Chɛhowa nɔ “yeemɛi” le wanaa vi wa miŋgioo yoomu pila.​—Choobu 14:14, 15, NW.

    Baabuiyo dimi vɛlɛ maa mi Chiisu siŋgi wanaa wa a naalaŋ nda. Le yɛɛ o tosa yɛ keŋ? Kanifuule yeemɛi nduɛi wa keŋ ni. (Maki 1:40, 41) Chiisu, Finya ndɔ o vel ni. Mɛɛ Finya ndɔ nɔ yeemɛi le wanaa cho o bahawɛiyo niŋ nda malaa yɛ, lende koni ndu bɛɛ nɔ yeemɛi le nda malaa ni.​—Chɔŋ 14:9.

    Lelaŋ, ŋ nɔ miŋ laalaŋ kpeekpei maa Chɛhowa nda Chiisu cho naa mala, miŋ tuei yoomu sɔviɔɔ yeela o chilaŋ niŋ.​—Sam 72:12-14; 145:16; Pitɛ Diiŋ Ndɔɔ 3:9.

 YIYAŊ NDƆ A NYUNAA HOO

Vɛɛ Mɛlɛka cho yɛ looku chieeŋ naa hoo miŋgi o kɛndɛ?

Baabuiyo muli nyunaa hoo o MAATIU 6:9, 10 vɛlɛ a DAANIƐƐ 2:44 niŋ.