Waa chaaŋ o Mɛlɛka cho suɛi sɔvɛ sɔvɛi le num ni. Mɛlɛka cho num pɛɛku mɛɛ ŋ looku ma wa a nyaale yɛ, nduyɛ mbo manda num. O cho num soli o laalaŋnda wɔɔŋnda bɔɔbɔɔ niŋ a o naamula wɔɔŋndaŋ niŋ. O cho nilaŋ yaŋɔɔ o piɛile numndeŋ. O cho num mala le kɔl nyulu kpeekpeiyo tueiyɔɔ yeela, nduyɛ ma nɔ tiindaŋndo le chilaŋ. (Chɔŋ Tasoo 5:​14, 15) Mɛlɛka cho num mala o teleŋnda kpundɔɔ niŋ. (Sam 18:​18) Nduyɛ Mɛlɛka cho num yoomu fafɛɛŋndo ke.—Luomaŋnda 6:​23.

Mɛɛ ŋ sɔɔŋguu Mɛlɛka ikɛi fau, lende koni ŋ sɔɔŋguu chaaŋaa nduaa ikɛi ni. Nda bɛɛ cho simnɔŋ chaaŋaa numnda. Nduyɛ pɛɛŋ, a cho simnɔŋ maa wanaa cho o yuŋgu numndo niŋnda. A cho wa a nyaale le num pɛɛkoo a Mɛlɛka okɔɔ, ma mala num, nduyɛ ma ke num kɔl dɛɛniaa.

Ŋ sulaŋ a Mɛlɛka le. Te a yeema pɛ waa chaaŋ o Mɛlɛka, a nɔ ma sina suɛi pum. Ndi cho ni, chaŋyɛi a Mɛlɛka cho maa chaŋyɛi a sulaŋ numndo le. O cho o bɛndu mbo hiau naa, o nɔ taasioo mbo hiau naa, vɛlɛ o nɔ kpaayaa mbo hiau naa poloŋ. Ndu cho Masanɔ naa kɛndɔɔ ni. Lelaŋ, te ŋ yeema pɛ chaŋyɛi a ndu, ŋ nɔ miŋ yaŋ ndu nilaŋ vɛlɛ miŋ tosa nyɛ o dimul naa wo. Te ŋ tosa pɛ hei lɔɔlɔɔ, o bɛnda bɔɔ le naa.—Chɔŋ Tasoo 5:​3.