Wanaa bɔɔ bɔɔ laalaŋ maa yɔm siŋgafilaa chɔm Kilisiɔŋnda kpou o chieeŋndo choo ni. Mi che bɛɛ naa Kilisiɔŋnda naa Seiyaa Chɛhowaa cho ni, ŋ soliŋ yɔm siŋgafilaa kpeku o Mɛlɛka piɛiyo niŋ te. Le yɛɛ?

Sabu tasoo cho ni, Baabuiyo dimi maa Chiisu vi o yɔm siŋgafilaa choo le kɛ, o yɔm sakpoo choo o vi ni. O fulawɔ o hoo kɔɔli, Baabuiyo sila naa o kala kala maa ’bala naala va o nyɛm cheleŋ sooluu niŋ te.’ Ndu sim ni maa, naŋ nɔ miŋ soliŋ yɔm siŋgafilaa kpeku o Mɛlɛka piɛiyo niŋ te.—Kɔliŋtiaŋ Tasoo 10:14; Chɔŋ Tasoo 5:21.

Mi Chiisu dimi nyɛ sɔwɛ. Mbo dimi aa, “Te la kaaliaŋ vellaa velle pɛ, o koŋ, wana o wana sina dɔɔ maa buɛiyaa niaa nya cho ni.” (Chɔŋ 13:34, 35) Chiisu dimi maa te ŋ nɔ pɛ kaala kpeekpeiyo le chaaŋaa naa, koŋ cho chɔm ni maa buɛiyaa nduaa kpeekpeiya naŋ cho ni, o cho yɔm siŋgafilaa le cho chɔm te.