Ei. Ba o ba Seiyaa Chɛhowaa wa pɛ, a kindiŋ le ma nɔ kaa lemisiɔnaleiyo. Ndu cho ni, teleŋ o teleŋ naŋ komal pɛ waŋnda, ŋ kindiŋ le nda dimullo nyɛ naŋ laalaŋndo.—Maatiu 28:19, 20.

Le handɔɔ lechoo, Seiyaa Chɛhowaa apum kua o fondaŋnda cheleŋ o lɛŋnde ndaleŋ niŋ le ma kɔ dimul wanaa tuiyɔ le wa yooŋgu kɛndɔɔ o Baabuiyo niŋ. Apum kua o lɛŋii cheleŋ niŋ halikpeŋ ma tiuba wanaa bɔɔ bɔɔ yooŋgu kɛndɔɔ dimullo. A naŋ kɔl le tosaa nyɛ Chiisu dimi wo. Mbo dimi aa, “La dimul niŋ waŋnda nyɛ nya sina a ya okɔɔ wo . . . ba o ba fee o chieeŋndo choo.”—Walta Wanaa Chiisuaa 1:8.

O wɔsii 1943 niŋ, miŋ kila sukuuwo le pɛɛkoo misiɔnaleiya apum. Chɔŋ a teleŋ koŋ, Seiyaa Chɛhowaa hiouwɔɔ 8,000 la bii niŋ sukuuwo hoo ni. Diola sukuuwo hoo aa Pɛɛu Baabuiyo o Sukuuwo Kilia.