Wanaa yiŋ ma simnuŋ Seiyaa Chɛhowaa wa, kɛ ma wu ŋdial le kɔlaŋ waŋnda yooŋgu kɛndɛ Mɛlɛkaa dimullo, naapum ma kɛɛ le chaaŋaa naa laalaŋnda holnɔŋndo wa, ŋ kɛɛ nda le. O tonya dimia niŋ, ŋ kua o ndalo le chɔɔloo chaŋyɛi ndɛi nda Mɛlɛka waa tɛɛŋ beeŋgoo.

Te chaaŋ naa laalaŋndo tosa yɔŋ wɔɔŋndo pɛ, ŋ soli ndu ko naa tɛɛŋ le solioo leŋ te. Kɛ, te o yɔŋ pɛ mi chaaŋ naa laalaŋndo chua ndi maa kaa ndɔ le sawala Mɛlɛka dɔu o Baabuiyo niŋ ndaŋ tɛɛmbuu wo, nduyɛ, mbo kɛɛ le yɔŋ wɔɔŋ koŋ malɔɔ, ŋ kɛɛ wana koŋ te o sɔla pɛ solioo. Baabuiyo dimi ndi kpendekele aa, “Wanaa cho ma va o niilu dɛnɛ wɔɔŋndo niŋ nda la soli nda o kunda nyaa choo.”—Kɔliŋtiaŋ Tasoo 5:13.

Kɛ te o yɔŋ pɛ mi wana pɔnɔɔ sɔla solioo, kɛ mi laandɔ a chuauwaa nduaa wa wɔ Seiyaa Chɛhowaa? Sɔɔŋ ndaa suaa a sɔɔŋ Mɛlɛkaŋ ndoŋ ŋ kiolu, kɛ yuŋgu ndɔɔ nda cho ni, kaala nda nɔnaŋ tɛɛŋndo kiolu le, a hiau lachi a sɔɔŋ yuŋgu ndaa, nɔ cho ndu tɛɛŋ nda laandɔ wo bɛɛ kiolu le. Ŋ kuuna wanaa sɔla solioo wa le kɔlaŋ o bɔŋaŋnda naa laŋ te. Te a yeema pɛ, wanaa chua chilaŋ o kundaa niŋnda. Saboo cho ni maa ŋ yeema mi wanaa sɔla haa solioo wa suiliŋ vɛlɛ le simnɔŋndo Seiyaa Chɛhowaa. Te o yɔŋ pɛ mi wana sɔla solioo wo kpeeŋaŋ kaala wɔŋndaŋ, okoŋ, mbo kindiŋ le nyɛ Baabuiyo dimi wo tolɔɔ kɔɔli, a chaa vɛlɛ hunɔɔ le miiŋgoo o kundaa niŋ.