Kɔɔna Seiyaa Chɛhowaa hau kanduŋ o wɔsiŋ 19 mɛɛlulaŋ. Teleŋ koŋ, kunda sukuwaa pɛɛkaa Baabuiya nyɛɛmbɔ koni wa Pitsbɔk ikɛi ni Pɛnsilvenia, Amɛlɛka. Mi sukuuwa haa kandu Baabuiyo yaasiaa tɛɛ tɛɛ le sinaa pɛɛku tonya cho leniŋ ndo. Ma tuu naamula kaŋnde pɛɛku waŋnda laŋ, a nyɛ kpeekpei Baabuiyo pɛɛku wo. Ma kandu nyɛ nda pɛɛku hoo wo solioo o yaulaŋ niŋ, yaula konalaŋ, a yau naŋ veelu hau aa Bandu Mɛŋgɛlaa—Le Masale Chɛhowaleŋ Yondaa.

O kunda sukuwaa pɛɛkaa Baabuiya haa tɛɛŋ, laŋgbanɔɔ wa loŋ diolaŋ aa Chals Tes Lɔsɛl. Lɔsɛl ndoo sim dɛnɛlaŋ lachi teleŋ koŋ ni le waŋnda pɛɛkoo tonya cho o Baabuiyo niŋ ndo nduyɛ, ndu wa wana tasoo ni le yau naŋ veelu o puuluei niŋ aa Bandu Mɛŋgɛlaa wo solioo ni. Kɛ, o cho Lɔsɛl te Kila kɔɔna lepiɛiyo hoo le. Nyɛ Lɔsɛl ndoo yeema teleŋ koŋ ndo, a nyɛ sukuwaa pɛɛkaa Baabuiya ndaa yeema wo cho ni, le hivio pɛɛkula Chiisulaŋ lachi, a le tolɔɔ Kilisiɔŋnda o wɔsiŋ kɛmɛ tasoŋ niŋ kɔɔli. Chiisu kila Kilisiɔŋndeŋ ni, lelaŋ, ŋ che maa ndu kila kɔɔna naa ni.—Kolosiaŋnda 1:18-20.