Kɔ o sɔɔŋ lebolloŋ sakpo

Kɔ o poonyiaa diiŋndɔ chɔm num nɛiyo wo sakpo

Seiyaa Jɛhowaa

Kisiei

Baa Seiyaa Chɛhowaa Laalaŋ Pa o Chiisu Niŋ?

Baa Seiyaa Chɛhowaa Laalaŋ Pa o Chiisu Niŋ?

Ei. Ŋ laalaŋ o Chiisu niŋ. Mi Chiisu dimi aa, “Ya cho nɛiyo ni, a tonyaa, a yoomoo. Wana o wana nɔla mbo fuuluu naa Mɛlɛka Finyaa chua le mɛɛ o sabu nuu niŋ.” (Chɔŋ 14:6) Ŋ laalaŋ maa Chiisu chɛŋ choo choo mbo huŋ o lɛŋndeŋ choo mbo soliŋ yoomu ndɔ walaŋndo sala le ŋwaŋnda chiee. (Maatiu 20:28) Piɔm ndɔɔ a fulasɛiniŋ ndɔɔ tosa ni wanaa dɔu laalaŋndo o ndu niŋ nda huŋ sɔla yoomu kpeekpeiyo. (Chɔŋ 3:16) Ŋ laalaŋ vɛlɛ maa Chiisu cho suŋ suŋ masaa o masale Mɛlɛkaleŋ choo. Masale Mɛlɛkaleŋ le cho hunɔɔ a kɔl nyuloo o chieeŋndo choo kpou ni. (Sɔɔŋ Chɔɔmaŋndoŋ 11:15) Mɛɛmɛɛfee, ŋ bii Chiisu a mɛɛ ndupila dimi yɛ. Mbo dimi aa, “Finya nuu ndu hiou a ya.” (Chɔŋ 14:28) Lelaŋ, ŋ saŋgala Chiisu le. Ŋ chue vɛlɛ ndu maa ndu le cho Mɛlɛka Kpou Kpou wo le.