SƐKSHƆN 1

Frɔm Inɔk in Tɛm to Samiɛl in Tɛm

Dis sɛkshɔn de tɔk bɔt di ɛgzampul dɛn bɔt pipul dɛn we bin rili gɛt fet ɛn maynd, frɔm Inɔk in tɛm te to prɔfɛt Samiɛl in tɛm.

Sɛkshɔn 1 Taymlayn

Wan chat de sho di tɛm we pipul dɛn we di Baybul tɔk bɔt bin liv ɛn impɔtant tin dɛn we bin apin.

1 INƆK

I Bin Waka wit Gɔd

Inɔk bin difrɛn frɔm pipul dɛn insay in tɛm tu we dɛn. Aw dis bin pɔsibul? Wetin Inɔk tich wi bɔt fɔ gɛt maynd?

2 NOA

I Kɔndɛm di Wɔl

Aw di tɛm we wi de naw fiba Noa in tɛm? Si aw yu go falamakata Noa fɔ sho se yu gɛt maynd.

3 SERA

I Nɔ Gri fɔ Tɔn Bak

Us we dɛn Sera sho se i gɛt fet ɛn i gɛt maynd bak?

4 EBRAAM

Di Fɔs Man We Fɛt Wɔ fɔ Jiova

Wetin wi kin lan frɔm di we aw Ebraam bin rɛdi fɔ sev in brɔda in pikin we nem Lɔt? Fɔ se Jiova bin gladi fɔ di we aw i bin sho se i gɛt maynd ɛn fet?

5 EBRAAM

I Bin Rɛdi fɔ Du Sɔntin We Nɔ Bin Rili Izi fɔ Du

Aw wi go ebul fɔ falamakata di maynd we Ebraam bin gɛt fɔ obe Gɔd? Wetin dis akawnt tich wi bɔt Jiova in lɔv?

6 RIBƐKA

I Bin Rɛdi fɔ Lɛf In Famili ɛn In Os

Ribɛka na uman we bin rili gɛt maynd ɛn fet. Wetin wi kin lan frɔm in ɛgzampul?

7 JEKƆP

I Bin Gɛt Maynd fɔ Protɛkt In Famili

Aw Jekɔp in ɛgzampul go ɛp yu fɔ biliv se yu fɔ fɛt tranga wan fɔ gɛt Jiova in blɛsin?

8 JOSƐF

I Nɔ Bin Gri fɔ Du Bad

Si aw Josɛf in ɛgzampul go ɛp yu fɔ mek yu nɔ gri fɔ du di bad tin we dɛn de tɛmt yu fɔ du ɛn fɔ bia prɔblɛm dɛn.

9 SHIFRA, PUA, AMRAM, JOKIBƐD, MIRIAM

‘Na Fet Mek Dɛn Protɛkt Mozis’

Di midwayf dɛn, Mozis in mama ɛn papa, ɛn in sista bin sho se dɛn rili gɛt maynd ɛn fet. Aw wisɛf go ebul fɔ du di sem tin?

10 MOZIS

I Bin Disayd fɔ Du di Rayt Tin

Wetin Mozis bin disayd fɔ du? Wetin mek? Wetin yu kin lan frɔm in ɛgzampul?

11 MOZIS

“Go to Fɛro”

Aw di tin dɛn we bin apin to Mozis de gi wi kɔnfidɛns se Jiova go sɔpɔt wi ilɛk wi fil se wi nɔ ebul fɔ du wan patikyula wok we I gi wi fɔ du?

12 KELƐB

I Bin Kɔntinyu fɔ De Biɛn In Gɔd

Si aw Kelɛb in ɛgzampul go ɛp wi lɛ wi nɔ gri fɔ “fala pipul dɛn.”

13 JƆSHWA

I Gri fɔ Du Tin dɛn we Strenj

Us strenj tin dɛn Jiova bin tɛl Jɔshwa fɔ du? Ustɛm wi go nid fɔ falamakata Jɔshwa in ɛgzampul?

14 REAB

I Bin Pik Jiova fɔ Bi In Gɔd

Wetin wi kin lan frɔm wetin Reab du? Aw Jiova blɛs am fɔ we i sho se i gɛt fet ɛn maynd?

15 NAOMI ƐN RUT

Dɛn Bin Ɛp Dɛnsɛf di Tɛm we Tin Nɔ Bin Izi

Us we dɛn Naomi ɛn Rut bin sho se dɛn gɛt maynd? Us lɛsin dɛn wi kin lan frɔm dɛn ɛgzampul?

16 BERAK ƐN DƐBORA

“A Go Go Wit Yu”

Berak bin pin fɔ lɛ Dɛbora go wit am we i de go fɛt. Fɔ se i bin du dis bikɔs i de fred ɔ i nɔ gɛt strɔng fet?

17 JEƐL

“Di Uman we Gɛt Blɛsin Pas Ɔl”

Wi stil de lan bɔt di maynd we Jeɛl bin gɛt fɔ kil Jiova in ɛnimi. Wetin mek wi nid fɔ gɛt maynd lɛk am naw pas ɛni ɔda tɛm?

18 GIDYƆN

Gɛt Maynd ɛn Tek Tɛm Du Tin

Ustɛm dɛn wi go nid fɔ gɛt maynd ɛn tek tɛm du tin?

19 JƐFTA ƐN IN GALPIKIN

Dɛn Bin Du Wetin dɛn Vaw Pan Ɔl We I Nɔ Bin Izi

Aw Jɛfta ɛn in galpikin dɛn ɛgzampul kin ɛp wi tide?

20 SAMSIN

I Bin Gɛt Maynd di Tɛm we I Bin Wik

Wetin wi kin lan frɔm di tin dɛn we Samsin bin du afta i mek mistek?

21 SAMIƐL

Wan Bɔbɔ We Bin Gɛt Maynd fɔ Tɔk fɔ Jiova

Ustɛm yɔŋ pɔsin go nid fɔ gɛt maynd fɔ tinap fɔ wetin rayt?

SƐKSHƆN 2

Frɔm di Kiŋ dɛn Tɛm to di Tɛm we Dɛn Bil Jerusɛlɛm Bak

Dis sɛkshɔn tɔk bɔt ɛgzampul dɛn bɔt pipul dɛn we bin sho se dɛn gɛt fet ɛn maynd. Wi stat wit Jonɛtan we na Kiŋ Sɔl in bɔypikin; dɔn wi tɔk bɔt Kiŋ Devid ɛn wi dɔn dis sɛkshɔn bay we wi tɔk bɔt di tɛm we Gɔd in pipul dɛn kɔmɔt na Babilɔn ɛn bil Jerusɛlɛm bak.

Sɛkshɔn 2 Taymlayn

Wan chat we de sho di tɛm we pipul dɛn we dɛn tɔk bɔt na di Baybul liv ɛn pikchɔ dɛn we de sho impɔtant tin dɛn we bin apin na di Baybul insay di tɛm we di kiŋ dɛn bin de rul te to di tɛm we dɛn bil Jerusɛlɛm bak.

22 JONƐTAN

I Bin Nid fɔ Gɛt Maynd fɔ De Biɛn In Padi

Jonɛtan bin gɛt fɔ disayd udat i go de biɛn. Aw i bin no udat i fɔ de biɛn? Ɛn aw wi go falamakata am?

23 DEVID

Devid​—I Bin Fɛt wan Jayant

Dɛn bin no Devid as pɔsin we “gɛt maynd, ɛn na pawaful fɛtman.” Aw in ɛgzampul bin ɛnkɔrej ɔda pipul dɛn? We yu gɛt maynd, aw dat go ɛp ɔda pipul dɛn?

24 ABIGƐL

Abigɛl​—I Bin Mit-ɔp Tu Man dɛn We Vɛks

Wetin maredman ɛn mareduman dɛn kin lan frɔm Abigɛl in stori?

25 DEVID

Devid​—I Bin Gɛt Maynd fɔ Du Wetin Rayt

I bin gɛt chans fɔ tɔn-am-gi. Wetin bin stɔp am? Aw wi kin falamakata in ɛgzampul?

26 NETAN

I Bin Kɔrɛkt di Kiŋ

Wetin Netan in ɛgzampul de tich wi bɔt aw fɔ ɛp wi padi we mek siriɔs mistek?

27 MƐFIBOSHƐT

I Nɔ Bin Vɛks we Dɛn Nɔ Trit Am Fia Wan

Us lɛsin dɛn wi kin lan frɔm Mɛfiboshɛt we go kɔrej wi?

28 ESA

I Sav Jiova wit Ɔl In At “Te I Day”

Us lɛsin dɛn wi kin lan frɔm wan man we bin sav Jiova wit ɔl in at?

29 ILAYJA

“Mi Gɔd Na Jiova”

Wetin bin ɛp Ilayja fɔ lɛf fɔ fred?

30 WAN UMAN NA ZƐRAFAT WE IN MAN BIN DƆN DAY

I Bin Sho se I Gɛt Maynd di Tɛm we Tin Nɔ Bin Izi

Aw in stori go ɛp wi fɔ abop pan Jiova?

31 DI IZRƐLAYT TITI

Wan Pikin We na Slev Tɔk bɔt In Gɔd

Dis Izrɛlayt titi in ɛgzampul de ɛnkɔrej yu fɔ prich ilɛksɛf yu de fred.

32 ILAYSHA

“E Jiova, Duya Opin In Yay”

We wi no se di enjɛl dɛn nɔ de fa frɔm wi, aw dat go mek wi gɛt maynd?

33 JƐOAYDA

I Bin Protɛkt di Kiŋ we Jiova Pik

Wetin Jɛoayda bin du we sho se i gɛt maynd? Us we dɛn yu go falamakata di maynd we i bin gɛt na yu layf?

34 ƐZIKAYA

“I nɔ Kɔmɔt Biɛn Jiova”

Ɛzikaya bin rili sho se i gɛt maynd ɛn fet. Aw wi go falamakata am tide?

35 MANASƐ

I bin gɛt Maynd fɔ Ripɛnt

Wetin mek wi go se Manasɛ na gud ɛgzampul bɔt pɔsin we gɛt maynd?

36 JOSAYA

I Mek di Pipul dɛn Kam Bak to Jiova

Pan ɔl we tin nɔ bin izi fɔ Josaya di tɛm we i bin yɔŋ, i sho se i rili gɛt maynd bay we i ɛp di pipul dɛn fɔ wɔship Gɔd di rayt we. Us we dɛn wi kin falamakata in ɛgzampul?

37 DANIƐL

“I Nɔ Go Dɔti Insɛf”

Us we dɛn yɔŋ pipul dɛn go falamakata Daniɛl in ɛgzampul fɔ gɛt maynd ɛn nɔ fɔ kɔmɔt biɛn Jiova? Aw wi ɔl go bɛnifit frɔm in ɛgzampul?

38 DI TRI IBRU DƐN

“Faya Nɔ Du Dɛn Natin”

Di tri Ibru dɛn bin sho se dɛn gɛt maynd pan ɔl we dɛn trɛtin dɛn se dɛn go kil dɛn. Wetin dɛn ɛgzampul tich wi bɔt kwaliti dɛn lɛk fɔ put wisɛf dɔŋ, fɔ tek tɛm du tin, ɛn nɔ fɔ kɔmɔt biɛn Jiova?

39 ƐSTA

“If A fɔ Day, A Go Day”

Ɛsta bin gɛt sɛns, ɛn i bin de obe. I bin ivin mek in man we nɔ de sav Jiova du wetin i tɛl am. Wetin wi kin lan frɔm in ɛgzampul?

40 NƐIMAYA

I Bil di Wɔl dɛn Bak

Wetin wi lan frɔm Nɛimaya in ɛgzampul bɔt fɔ du mɔ we wi de wɔship Jiova? Aw ɛlda dɛn kin falamakata in ɛgzampul?

SƐKSHƆN 3

Di Mɛsaya ɛn di Wan dɛn We Bin De Fala Am Dɛn Tɛm

Dis sɛkshɔn de tɔk bɔt pipul dɛn we bin gɛt fet ɛn maynd insay di fɔstɛm Kristian dɛn tɛm. I stat wit wan Ju vajin we nem Meri ɛn ɛnd wit di apɔsul Jɔn.

Sɛkshɔn 3 Taymlayn

Wan chat we de sho aw lɔng pipul dɛn we di Baybul tɔk bɔt na Sɛkshɔn 3 bin liv. I tɔk bak bɔt sɔm impɔtant tin dɛn we bin apin frɔm di Mɛsaya in tɛm te to di tɛm we di apɔsul Jɔn de day.

41 ZAKARAYA ƐN ILIZABƐT

“Dɛn . . . Bin De Du Wetin Rayt na Gɔd in Yay”

Wetin mek Jiova bin si Zakaraya ɛn Ilizabɛt as pipul dɛn we de du wetin rayt? Aw wisɛf go du di sem tin?

42 MERI

I Bin Gɛt Maynd fɔ Se Yɛs

Meri bin gɛt wan impɔtant wok fɔ du. Wetin bin ɛp am fɔ gɛt maynd fɔ du di wok te i dɔn am?

43 JOSƐF

Na Papa We Bin Gɛt Maynd

Wetin mek Josɛf na gud ɛgzampul fɔ Kristian papa dɛn tide?

44 JƆN WE DE BAPTAYZ PIPUL DƐN

“No Wan Nɔ De We Pas Jɔn”

Jɔn na pɔsin we bin rili gɛt maynd ɛn we bin de liv simpul layf. Si wetin wi go lan frɔm am.

45 PITA

“Mi Na Man We De Sin”

Wetin wi go lan frɔm Pita bɔt aw wi go kɔntinyu fɔ sav Jiova pan ɔl we wi de mek di sem mistek?

46 MERI MAGDALIN

“A Dɔn Si di Masta!”

Meri bin yuz ɔl in layf fɔ ɛp Jizɔs ɛn di wan dɛn we de fala am. Aw wi go sho se wi gɛt maynd ɛn sɔri-at lɛk Meri Magdalin?

47 MERI WE NA LAZARƆS IN SISTA

“I Dɔn Du Wetin I Ebul”

Jizɔs bin prez Meri we na Lazarɔs in sista fɔ di fet ɛn maynd we i gɛt. Us we dɛn i bin sho se i gɛt maynd? Aw wi go falamakata am tide?

48 STIVIN

I “Bin Rili Gɛt Fet ɛn Oli Spirit”

Dɛn kɛr Stivin go na kɔt, ɛn i bin nid fɔ fɛt fɔ in layf. Aw i bin tɔk bɔt wetin i biliv? Aw in ɛgzampul go ɛnkɔrej wi fɔ kɔntinyu fɔ fetful?

49 PITA

I Kam fɔ Bi Rɔk

Aw Pita in ɛgzampul go ɛp wi fɔ abop pan Jiova ɛn lɛf fɔ fred?

50 SƆL WE KƆMƆT TASƆS

I Chenj di We Aw I Bin De Tink

Wetin bin mek dis man we bin de mek di Kristian dɛn sɔfa bad bad bin chenj di we aw i de liv in layf? Us lɛsin dɛn wi lan frɔm in ɛgzampul?

51 BANABAS

“Pikin We De Ɛnkɔrej”

Banabas bin gɛt maynd fɔ ɛp Sɔl ɛn kɛr am go to di apɔsul dɛn. Aw wi go falamakata di maynd we i bin gɛt ɛn di rɛdi we i bin rɛdi fɔ ɛp ɔda pipul dɛn?

52 MAK

“I Go Ɛp Mi”

Pan ɔl we Mak bin gɛt prɔblɛm dɛn, i bin sho se i gɛt maynd bay we i kɔntinyu fɔ wok fɔ Jiova, ɛn ɛp in kɔmpin Kristian dɛn. Us lɛsin wi go lan frɔm am?

53 PƆL

“A De Beg Una fɔ Tek Kɔrej”

Aw apɔsul Pɔl bin sho se i gɛt maynd di tɛm we i bin tan lɛk se dɛn nɔ gɛt wan op? Aw di maynd we i bin gɛt ɛp ɔda pipul dɛn?

54 APƆSUL JƆN

I Sho se I Gɛt Maynd di Tɛm We Tin Nɔ Izi

Di apɔsul Jɔn nɔ bin ɛva fred ɔ giv-ɔp. Aw wi go falamakata in ɛgzampul ɛn kɔntinyu fɔ sho se wi gɛt maynd as wi de waka wit Gɔd?

KƆNKLUSHƆN

“Gɛt Maynd”

Di Baybul gɛt bɔku ɛgzampul dɛn bɔt man ɛn uman dɛn, yɔŋ wan dɛn ɛn ol wan dɛn, we bin sho se dɛn gɛt maynd fɔ tinap tranga wan fɔ du wetin Jiova want. Dɛn stori dɛn go ɛp wi fɔ du di sem tin.

Insay Kɔva