KWƐSTYƆN 6
Wetin di Baybul Bin Dɔn Tɔk bɔt di Mɛsaya?
PRƆFƐSI
“E Bɛtliɛm Ɛfrata, . . . na frɔm yu di wan we go bi rula na Izrɛl fɔ mi go kɔmɔt.”
AW I APIN?
“Afta dɛn bɔn Jizɔs na Bɛtliɛm, we de na Judia, insay Kiŋ Ɛrɔd in tɛm, pipul dɛn we de stɔdi di sta dɛn fɔ no bɔt di bambay kɔmɔt na di Ist ɛn kam na Jerusɛlɛm.”
PRƆFƐSI
“Dɛn sheb mi klos to dɛnsɛf, ɛn dɛn balɔt fɔ mi klos.”
AW I APIN?
“We di sojaman dɛn dɔn nel Jizɔs na di stik, dɛn tek in klos we i bin wɛr pantap ɛn sheb am to 4 pat . . . Bɔt di klos we i bin wɛr ɔnda nɔ gɛt ɛni stich pan am, dɛn wiv am frɔm ɔp te kam dɔŋ. So dɛn tɛl dɛnsɛf se: ‘Lɛ wi nɔ chɛr am, lɛ wi balɔt fɔ disayd udat go gɛt am.’”
PRƆFƐSI
“I de protɛkt ɔl in bon dɛn; dɛn nɔ brok nɔn pan dɛn.”
AW I APIN?
“We dɛn kam to Jizɔs, dɛn si se i dɔn day, so dɛn nɔ brok in fut dɛn.”
PRƆFƐSI
“Dɛn chuk am fɔ wi sin dɛn.”
AW I APIN?
“Wan pan di sojaman dɛn chuk am wit spia nain sayd, dɔn wantɛm wantɛm blɔd ɛn wata kɔmɔt nain sayd.”
PRƆFƐSI
“Dɛn gi 30 silva mɔni as mi pe.”
AW I APIN?
“Dɔn wan pan di 12 apɔsul dɛn, we dɛn de kɔl Judas Iskariɔt, go to di edman dɛn fɔ di prist dɛn ɛn tɔk se: ‘Wetin una go gi mi if a ɛp una fɔ arɛst am?’ Dɛn se dɛn go gi am 30 silva mɔni.”
