“Yu nɔ fɔ stɔp fɔ tɔk bɔt dis buk we gɛt di Lɔ ɛn yu fɔ rid am ɛn tek tɛm tink gud gud wan bɔt am de ɛn nɛt, so dat yu go tek tɛm du ɔl wetin rayt insay de, ɛn dat go mek yu go bifo ɛn yu go du tin wit sɛns.”

Jɔshwa 1:8

“Dɛn kɔntinyu fɔ rid lawd wan frɔm di buk, frɔm di Lɔ we di tru Gɔd gi. Dɛn bin de ɛksplen am klia wan ɛn mek i gɛt minin. So dɛn ɛp di pipul dɛn fɔ ɔndastand wetin dɛn bin de rid.”

Nɛimaya 8:8

“Di pɔsin we nɔ de fala wikɛd pɔsin in advays, gɛt gladi-at. . . .  I rili lɛk Jiova in lɔ, ɛn i de rid In lɔ de ɛn nɛt ɛn tek tɛm tink gud gud wan bɔt am. . . . Ɔl wetin di pɔsin de du go kɔmɔt fayn.”

Sam 1:1-3

“Filip rɔn go nia di chariɔt, ɛn i yɛri di man de rid Prɔfɛt Ayzaya in buk lawd wan, dɔn i aks am se: ‘Yu rili no wetin yu de rid?’ I tɛl am se: ‘Aw a go no if pɔsin nɔ tich mi?’”

Akt 8:30, 31

 “Frɔm we Gɔd mek di wɔl, mɔtalman dɔn de si Gɔd in kwaliti dɛn klia klia wan, pan ɔl we dɛn nɔ de si dɛn, lɛk in pawa we go de sote go ɛn tin dɛn we de sho se in na Gɔd, bikɔs dɛn de si am pan di tin dɛn we i mek, so dat dɛn nɔ go gɛt ɛni ɛkskyuz.”

Romans 1:20

“Tink gud wan bɔt dɛn tin dɛn ya; put ɔl yu at de, so dat ɔlman go si klia wan se yu de go bifo pan Gɔd biznɛs.”

1 Timoti 4:15

“Lɛ wi de tink bɔt wi kɔmpin dɛn so dat wi go ɛp dɛn fɔ sho lɔv ɛn du fayn tin dɛn, ɛn mek wi nɔ lɛf fɔ de mit togɛda.”

Ibruz 10:24, 25

“If ɛniwan pan una nɔ gɛt bɛtɛ sɛns, lɛ i kɔntinyu fɔ aks Gɔd, ɛn Gɔd go gi am, bikɔs i de gi bɔku bɔku wan to ɔlman ɛn i nɔ de fɛn fɔlt.”

Jems 1:5