KWƐSTYƆN 17
Aw di Baybul Go Ɛp Yu Famili?
MAREDMAN DƐN/PAPA DƐN
“Semweso, maredman dɛn fɔ lɛk dɛn wɛf lɛk aw dɛn lɛk dɛn yon bɔdi. Man we lɛk in wɛf lɛk insɛf, bikɔs no man nɔ ɛva et in yon bɔdi, bɔt i de fid am ɛn ol am fayn . . . Ɛni maredman fɔ lɛk in wɛf lɛk aw i lɛk insɛf.”
“Papa dɛn, una nɔ fɔ de mek una pikin dɛn vɛks, bɔt una kɔntinyu fɔ de disiplin dɛn ɛn tren dɛn lɛk aw Jiova se, we una de mɛn dɛn.”
WƐF DƐN
“Wɛf fɔ gɛt dip rɛspɛkt fɔ in man.”
“Una dɛn wɛf dɛn, una put unasɛf ɔnda una man dɛn, lɛk aw di wan dɛn we de fala di Masta fɔ du.”
PIKIN DƐN
“Pikin dɛn, una obe una mama ɛn papa dɛn lɛk aw di Masta want, bikɔs dis na tin we rayt na Gɔd in yay. ‘Yu fɔ ɔnɔ yu mama ɛn papa’ na di fɔs lɔ we gɛt di prɔmis we se: ‘So dat tin go fayn fɔ yu, ɛn yu go liv fɔ lɔng tɛm na di wɔl.’”
“Una dɛn pikin dɛn, una obe una mama ɛn papa dɛn pan ɔltin, bikɔs dis na tin we di Masta lɛk.”
