KWƐSTYƆN 7
Wetin di Baybul Bin Dɔn Tɔk bɔt Wi Tɛm?
“Wan neshɔn go fɛt ɔda neshɔn ɛn wan kiŋdɔm go fɛt ɔda kiŋdɔm . . . Ɔl dɛn tin ya na lɛk we pen de bigin.”
“Bɔku lay lay prɔfɛt dɛn go kam ɛn ful plɛnti pipul dɛn; ɛn bikɔs bɔku pipul dɛn go de brok lɔ, plɛnti pipul dɛn lɔv go ridyus.”
“We una yɛri we dɛn de fɛt wɔ ɛn yɛri nyuz bɔt wɔ, una nɔ fred bikɔs dɛn tin ya go mɔs apin, bɔt di ɛnd nɔ kam yet.”
“Big big atkwek dɛn go apin, tin fɔ it go shɔtin ɛn sik dɛn we de prɛd go de na difrɛn ples dɛn, fiaful tin dɛn go apin, ɛn pipul dɛn go si wɔndaful sayn dɛn na ɛvin.”
“Insay di las dez, tin go tranga ɛn bad. Pipul dɛn go lɛk dɛnsɛf, dɛn go lɛk mɔni, dɛn go de bost, dɛn go de tink se dɛn bɛtɛ pas ɔda pipul dɛn, dɛn go de tɔk bad bɔt Gɔd ɛn pipul dɛn, dɛn nɔ go de obe dɛn mama ɛn papa, dɛn nɔ go gɛt wan tɛnki, dɛn go de kɔmɔt biɛn dɛn kɔmpin, dɛn nɔ go lɛk dɛn kɔmpin mɔtalman, dɛn nɔ go de agri wit ɔda pipul dɛn, dɛn go de pwɛl pɔsin in nem, dɛn nɔ go ebul kɔntrol dɛnsɛf, dɛn go wayl, dɛn nɔ go lɛk fɔ du gud, dɛn go bi ɛnimi to dɛn padi dɛn, dɛn go trangayes, dɛn go prawd, dɛn go lɛk ɛnjɔymɛnt bɔt dɛn nɔ go lɛk Gɔd, dɛn go de mek lɛk se dɛn de sav Gɔd, bɔt dɛn nɔ go de liv dɛn layf da we de.”
