Go dayrɛkt to di men tin

Wetin Mek Jiova Witnɛs dɛn Nɔ De Sɛlibret Krismas?

Wetin Mek Jiova Witnɛs dɛn Nɔ De Sɛlibret Krismas?

Tin dɛn we pipul dɛn nɔ kin ɔndastand bɔt wi

Lay lay: Di rizin we mek Jiova Witnɛs dɛn nɔ de sɛlibret Krismas na bikɔs dɛn nɔ biliv Jizɔs.

Di tru: Wi na Kristian dɛn. Wi biliv se na Jizɔs Krays nɔmɔ go ɛp wi fɔ gɛt layf we go de sote go.—Di Apɔsul Dɛn Wok [Akt] 4:12.

Lay lay: Una de skata famili dɛn bay we una de tich una pipul nɔ fɔ sɛlibret Krismas.

Di tru: Wi rili bisin bɔt famili dɛn, ɛn wi de yuz di Baybul fɔ ɛp famili dɛn fɔ de tayt tayt wan.

Lay lay: Una nɔ de ɛnjɔy di gud gud tin dɛn we kin apin insay Krismas, lɛk fɔ gɛt fri-an, fɔ ɛp mek pis de na di wɔl, ɛn fɔ du gud to ɔda pipul dɛn.

Di tru: Wi de tray ɛvride fɔ du gud ɛn gɛt pis wit pipul dɛn. (Prɔvabs 11:25; Lɛta Fɔ Rom 12:18) Fɔ ɛgzampul, di we aw wi de ol wi mitin dɛn ɛn prich to pipul dɛn na lɛk aw Jizɔs bin tɔk. I bin se: “Una nɔ pe fɔ wetin una gɛt, so una nɔ fɔ mek pipul pe una fɔ wetin una de gi dɛn.” (Matyu 10:8) Apat frɔm dat, wi de tɛl pipul dɛn se na Gɔd in Kiŋdɔm nɔ go ebul briŋ pis na di wɔl.—Matyu 10:7.

Wetin mek Jiova Witnɛs dɛn nɔ gɛt Krismas?

  • Jizɔs bin tɛl wi fɔ mɛmba in day, nɔto di de we i bɔn.—Lyuk 22:19, 20.

  • Jizɔs in apɔsul dɛn ɛn di fɔstɛm Kristian dɛn nɔ bin gɛt Krismas. Wan buk we dɛn kɔl di New Catholic Encyclopedia bin tɔk se “di sɛlibreshɔn bɔt di tɛm we dɛn bɔn Jizɔs bigin fɔ de frɔm di ia 243.” Dat na bin lɛk 100 ia so frɔm we di las apɔsul bin dɔn day.

  • Natin nɔ de we sho se Jizɔs bin bɔn insay Disɛmba 25; di Baybul nɔ gɛt di de we i bɔn.

  • Wi biliv se Gɔd nɔ gladi fɔ Krismas ɛn na sɔntin we kɔmɔt frɔm pegan pipul dɛn.—Sɛkɛn Lɛta Fɔ Kɔrint 6:17.

Wetin mek na siriɔs tin fɔ sɛlibret Krismas?

Bɔku pipul dɛn de sɛlibret Krismas pan ɔl we dɛn no se i kɔmɔt frɔm pegan dɛn ɛn di Baybul nɔ tɔk bɔt am. Dɛn pipul dɛn de kin se: Wetin mek ɛni Kristian fɔ du dis kayn tin we nɔ kɔmɔn wit ɔda Kristian dɛn? Wetin mek na impɔtant tin to dɛn?

Di Baybul se wi fɔ tink fɔ wisɛf fɔ “no wetin gud ɛn bad.” (Di Ibru Pipul Dɛn 5:14) I de tich wi fɔ lɛk di tru tin dɛn we de na di Baybul. (Jɔn 4:23, 24) So pan ɔl we wi bisin bɔt wetin pipul dɛn de tɔk bɔt wi, wi go kɔntinyu fɔ du ɔl wetin di Baybul se ilɛksɛf dat na tin we nɔ kɔmɔn wit ɔda pipul dɛn.

Pan ɔl we wi nɔ de sɛlibret Krismas, wi rɛspɛkt ɔlman in rayt fɔ disayd fɔ insɛf wetin fɔ du we i kam pan Krismas. Wi nɔ de put mɔt pan wetin ɔda Kristian dɛn disayd fɔ sɛlibret.