Bɔku pipul dɛn ɔlsay na di wɔl de tek di krɔs as di sayn fɔ Kristian dɛn. Pan ɔl we Jiova Witnɛs dɛn na Kristian dɛn, wi nɔ de yuz di krɔs we wi de wɔhsip. Wetin mek?

Wan rizin na bikɔs di Baybul de sho se nɔto krɔs Jizɔs bin day bɔt na pan wan stret pol. Apat frɔm dat, di Baybul de wɔn Kristian dɛn mek dɛn “nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.” Dat go min se Kristian dɛn nɔ fɔ yuz di krɔs fɔ wɔship.—Fɔs Lɛta Fɔ Kɔrint 10:14; Jɔn In Fɔs Lɛta 5:21.

Jizɔs bin tɔk wan impɔtant tin. I bin se: “If una lɛk una kɔmpin, ɔlman go no se una na mi lanin bɔy dɛn.” (Jɔn 13:34, 35) So Jizɔs bin de tɛl wi se wi go sho se wi na in disaypul dɛn if wi lɛk wi kɔmpin dɛn pas aw wi lɛk wisɛf—nɔto we wi yuz di krɔs ɔ ɔda tin we pipul dɛn mek.