Go dayrɛkt to di men tin

Jiova Witnɛs dɛn Gɛt Patikyula Fim dɛn, Buk dɛn, ɔ Myuzik dɛn we dɛn Se dɛn Fɔ Avɔyd?

Jiova Witnɛs dɛn Gɛt Patikyula Fim dɛn, Buk dɛn, ɔ Myuzik dɛn we dɛn Se dɛn Fɔ Avɔyd?

Nɔ. Wi ɔganayzeshɔn nɔ kin wach patikyula fim dɛn, rid buk dɛn, ɔ lisin to myuzik dɛn fɔ no uswan wi nid fɔ avɔyd. Wetin mek dɛn nɔ kin du dat?

Di Baybul de ɛnkɔrej ɔlman fɔ tray fɔ “lan aw fɔ no wetin gud ɛn wetin bad.”—Di Ibru Pipul Dɛn 5:14.

Di Baybul gɛt patikyula advays we ɛni Kristian kin yuz fɔ ebul no wetin fɔ du ɛn wetin nɔ fɔ du we i kam pan ɛnjɔymɛnt. * Di men tin we wi want na layf, na ‘fɔ tray fɔ lan wetin di Masta want wi fɔ du.’—Lɛta Fɔ Ɛfisɔs 5:10.

Di Baybul sho se di wan dɛn we de oba di famili gɛt di rayt fɔ pik uskayn tin dɛn, dɛn nɔ fɔ alaw dɛn famili fɔ du we i kam pan ɛnjɔymɛnt. (Fɔs Lɛta Fɔ Kɔrint 11:3; Lɛta Fɔ Ɛfisɔs 6:1-4) Bɔt, we i kam pan ɛnitin we nɔ gɛt fɔ du wit di famili, nɔbɔdi na di kɔngrigeshɔn nɔ gɛt di rayt fɔ tɛl in kɔmpin us patikyula fim dɛn, myuzik dɛn, ɔ myuzishian we nɔ fayn fɔ wach ɔ lisin to.Lɛta Fɔ Galeshya 6:5.

^ par. 4 Fɔ ɛgzampul, di Baybul se i nɔ fayn fɔ put an pan ɛnitin we gɛt fɔ du wit juju biznɛs, mami ɛn dadi biznɛs we nɔ rayt, ɔ fɛt-fɛt.—Ditarɔnɔmi 18:10-13; Lɛta Fɔ Ɛfisɔs 5:3; Lɛta Fɔ Kɔlɔse 3:8.