Go dayrɛkt to di men tin

Udat Fɔs Bigin Jiova Witnɛs dɛn Rilijɔn?

Udat Fɔs Bigin Jiova Witnɛs dɛn Rilijɔn?

Jiova Witnɛs dɛn ɔganayzeshɔn bigin di tɛm we di ia 1900 de dɔn. Da tɛm de na smɔl Baybul studɛnt dɛn bin de tray fɔ stɔdi wetin di Baybul se. Dɛn Baybul studɛnt ya bin de nia Pitsbɔg, Pɛnsilvenia, na Amɛrika. Dɛn bin de kɔmpia wetin dɛn bin de tich na difrɛn chɔch dɛn to wetin di Baybul rili tich. Dɛn bigin fɔ rayt di tin dɛn we dɛn dɔn lan pan buk dɛn, nyus pepa, ɛn di jɔnal we wi de kɔl naw, Di Wachtawa—De Tɔk bɔt Jiova in Kiŋdɔm.

Pan dɛn Baybul studɛnt dɛn de, wan man bin de we nem Chals Tez Rɔsɛl. I bin rili lɛk di tru. Pan ɔl we na Rɔsɛl bin de bifo pan di wok fɔ tich bɔt di Baybul, ɛn na in fɔs bigin fɔ chɛk di Di Wachtawa we dɛn mek am dɔn, nɔto in na di wan we bigin wi rilijɔn. Di men tin we Rɔsɛl ɛn di ɔda Baybul studɛnt dɛn bin want, na fɔ fala di tin dɛn we Jizɔs Krays ɛn di fɔstɛm Kristian dɛn bin de du trade trade. Ɛnti na Jizɔs bigin Kristian layf, so wi de si am as di wan we bigin wi ɔganayzeshɔn.—Lɛta Fɔ Kɔlɔse 1:18-20.