Go dayrɛkt to di men tin

Jiova Witnɛs dɛn Biliv Jizɔs?

Jiova Witnɛs dɛn Biliv Jizɔs?

Yɛs. Wi biliv pan Jizɔs we bin tɔk se: “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.” (Jɔn 14:6) Wi biliv se Jizɔs bin kam na di wɔl ɛn gi in pafɛkt layf fɔ sev wi pe fɔ mɔtalman sin. (Matyu 20:28) Di day we i day ɛn we Gɔd gi am layf bak, mek ɛnibɔdi we sho se i gɛt fet pan am, go gɛt layf we go de sote go. (Jɔn 3:16) Wi biliv bak se Jizɔs de rul naw na Gɔd in Kiŋdɔm we de na ɛvin, ɛn i nɔ go te igen i go mek pis de ɔlsay na di wɔl. (Rɛvɛleshɔn 11:15) Bɔt, wi de tek Jizɔs lɛk aw i bin tɔk, fɔ se: “Mi Papa pas mi.” (Jɔn 14:28) So wi nɔ de wɔship Jizɔs, bikɔs wi nɔ biliv se in na Gɔd we gɛt pawa pas ɔlman.