Go dayrɛkt to di men tin

Go dayrɛkt to di say we di difrɛn difrɛn atikul dɛn de

 DI TƆPIK NA DI FRƆNT PEJ | SETAN NA RIAL PƆSIN?

Setan De?

Setan De?

Wan man we nem Rogɛlio se: “Na Ɛl Salvadɔ a mɛn. We a bin de mek tranga-yes pan mi mama, i bin de tɛl mi se, ‘Setan de kam kech yu!’ Bɔt a kin tɛl am se ‘Lɛ i kam!’ A bin biliv se Gɔd de, bɔt a nɔ bin biliv se Setan de.”

Yu gri wit wetin Rogɛlio se? Uswan pan dɛn wɔd ya mek sɛns to yu?

  • Setan nɔ de; na jɔs di bad tin we de na pɔsin in at.

  • Setan de, bɔt i nɔ bisin bɔt mɔtalman.

  • Setan na pawaful spirit pɔsin we rili gɛt pawa oba mɔtalman.

Sɔm pipul dɛn biliv di fɔs wan, ɔda pipul dɛn biliv di sɛkɔn wan, ɛn sɔm ɔda wan dɛn biliv di tɔd wan. I go bi se di wan dɛn we biliv dɛn tin ya rili bɔku. Bɔt yu tink se i impɔtant fɔ no uswan kɔrɛkt? Yɛs, i impɔtant, bikɔs if Setan nɔ de, i min se dɛn dɔn lay pan di wan dɛn we biliv se i de. Dɔn if Setan de, bɔt i nɔ bisin bɔt mɔtalman, i min se di wan dɛn we de fred am de fred fɔ natin. Bɔt if Setan na pɔsin we de ɛn we de lay, i min se i wikɛd pas aw bɔku pipul dɛn de tink se i bi.

So i go fayn lɛ wi no aw di Baybul ansa dɛn kwɛstyɔn ya: Udat na Setan? Na spirit pɔsin ɔ na jɔs di bad tin we de na pɔsin in at? If Setan na pɔsin, yu tink se i go ambɔg yu? If na so i bi, aw yu go protɛkt yusɛf?