Go dayrɛkt to di men tin

Go dayrɛkt to di say we di difrɛn difrɛn atikul dɛn de

 DI TƆPIK NA DI FRƆNT PEJ | WETIN NA DI TIN DƐN WE GƆD DƆN DU FƆ YU?

Dis Na Program We Yu Nɔ Fɔ Mis

Dis Na Program We Yu Nɔ Fɔ Mis

Di nɛt bifo Jizɔs gi in layf, i tɛl in fetful disaypul dɛn fɔ go de mɛmba in day. I bin pas bred we nɔ gɛt yist ɛn rɛd wayn fɔ mek di tin we di Baybul kɔl di Ivintɛm It fɔ Mɛmba di Masta. I tɛl in disaypul dɛn se: “Una fɔ de it am fɔ mɛmba mi.”—Lyuk 22:19.

Ɛvri ia, Jiova Witnɛs dɛn ɔlsay na di wɔl kin gɛt wan impɔtant mitin fɔ mɛmba Jizɔs in day. Insay 2014, dis mitin fɔ mɛmba di Masta go bi Mɔnde, Epril 14, afta di san dɔn go dɔŋ.

Wi de invayt yu pan dis mitin. Insay dis mitin, dɛn go tɔk bɔt aw mɔtalman go bɛnifit frɔm Jizɔs in day. Yu nɔ go pe natin fɔ kam insay. Wi nɔ go tek kɔlɛkshɔn. Di pɔsin we gi yu dis magazin go sho yu di tɛm ɛn di ples we de nia yu, usay dɛn go gɛt dis mitin; ɔ yu kin go na wi wɛbsayt we na jw.org. Duya, na fɔ rayt di tɛm ɛn di ples fɔ di program. Wi op se yu nɔ go mis am.